Bakı Apellyasiya Məhkəməsində (BAM) 15 oktyabr saat 14:30-a jurnalist Xədicə İsmayılovanın şikayəti üzrə hazırlıq iclası təyin edilib. Bu barədə Turan-a vəkil Fəxrəddin Mehdiyev bildirib.
Onun sözlərinə görə, işə İlqar Murquzovun sədrlik etdiyi hakim heyəti baxacaq.
Müdafiə tərəfi İsmayılovaya bütün ittiham bəndləri üzrə tam bəraət verilməsinə nail olmaq niyyətindədir. O xatırladıb ki, birinci instansiya məhkəməsi artıq “özünü öldürmə həddinə çatdırma” maddəsi ilə bəraət verib.
Xatırladaq ki, Bakı Ağır Cinayətlər Məhkəməsi sentyabrın 1-də məşhur araşdırmaçı-jurnalist Xədicə İsmayılovanı 7,5 il müddətinə azadlıqdan məhrumetmə cəzasına məhkum edib, onu mənimsəmə, qanunsuz sahibkarlıq, vergi ödənişindən yayınma, vəzifə səlahiyyətlərindən sui-istifadədə təqsirli bilib.
Eyni zamanda ona 125-ci (özünü öldürmə həddinə çatdırma) maddə üzrə bəraət verilib.
Yerli və beynəlxalq hüquq müdafiə təşkilatları əmindirlər ki, İsmayılovaya qarşı cinayət ittihamları uydurmadır və onun hakimiyyətin ali eşelonlarında korrupsiya faktlarını araşdırması ilə bağlıdır. -06D-
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz