Bakı/29.03.18/Turan: 2016-cı dekabrın 18-də Buzovna qəsəbəsindəki yaşayış evinin 7-8-9-cü mərtəbələrində baş vermiş yanğın zamanı binaya ziyan dəyib və M.Sübhi küçəsi, 2 ünvandakı evin sakini Nelli Mürsəlova və onun qonşularının balkonu dağılıb.
Bina təmir edilib, bayırdan yanğının izləri aradan qaldırılıb, ancaq N.Mürsəlovanın və 75,77, 79-cu mənzillərin balkonlarındakə yanğın izləri dekorativ plitələrin altında gizlədilib.
Yanğın mənzillər və balkonların arasındakı plastik qapılara da ziyan vurub, daxili örtüklər isə güclü külək zamanı silkələnir. Balkondan istifadə mümkün deyil. Sakinlər balkona çıxmağa qorxurlar. Faktiki olaraq, bir neçə ailə balkondan məhrumdur, halbuki, bayırdan bu, görünmür.
N.Mürsəlova ilə birlikdə yeddi sakin şikayət göndərərək yerli hakimiyyəti öz öhdəliklərinə formal yanaşmaqda və binanın təmirini başa çatdırmamaqda ittiham ediblər.
Hələ 2017-ci ilin mayında Prezident Aparatına FHN və ombudsmana məktub göndərilib.
N.Mürsəlova 2017-ci ilin oktyabrında 1 saylı Yaşayış-Kommunal Təsərrüfat Birliyindən cavab alıb. Rəis E.Talıbov vəd edib ki, onun xahişi təmin olunacaq. Ancaq vətəndaşı aldadıblar, o vaxtdan heç bir iş görülməyib.
Martın 29-da Turan agentliyi Xəzər Rayon İcra Hakimiyyəti aparatına Vaqif Pənahova və Azər adlı işçiyə zəng edib (telefonlar rayon İH-in saytından götürülüb və N.Mürsəlovadan alınıb).
Zənglər ünvana çatsa da sözügedən telefonlar cavab verməyib, təkcə V.Pənahovun telefonu "müvəqqəti olaraq zəngləri qəbul etməyib".
Belə təəssürat yaranır ki, hər məmurun vətəndaş və mətbuat üçün ayrı telefonu var və ona cavab vermir. Yaxşı söhbətlər üçünsə ikinci telefon var.
Buzovna qəsəbəsində 111 saylı MİS-in rəhbəri Orxan Axundov bizə zəng etdi. O, N.Mürsəlovanın şikayətindən xəbərdar olduğunu bildirib və deyib ki, rayon İcra Hakimiyyətindən onun probleminin həll olunacağını vəd ediblər. MİS rəisi səbəblərlə bağlı suala cavab verə bilməyib və iradlarımızı Xəzər rayon rəhbərliyinə çatdıracağını bildirib.
Bakının Xəzər rayonunda vətəndaşların problemlərinin həlli bağlı prezidentə və onun məmurlarına dəfələrdə edilən çağırışlara açıq şəkildə məhəl qoyulmur. M.Sübhi küçəsindəki (Buzovna qəsəbəsi) ikinci binada yanğın 2016-cı ildə söndürülüb, ancaq hakimiyyət tərəfindən aldadılan adamlar indiyədək ziyan dəymiş mənzillərdə yaşayırlar.-0-
Cəmiyyət
-
Dekabrın 22-də Bakıda və Abşeron yarımadasında havanın dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə çiskin olacağı ehtimalı var. Mülayim cənub-qərb küləyi əsəcək.
-
Çox vaxt "Qafqazın Dubayı" adlandırılan Bakı getdikcə sakinlərin mənzil hüquqlarının sistematik şəkildə pozulması ilə tanınmağa başlayır. Şəhərin yenilənməsi və yeni eleqant binaların inşası zamanı Azərbaycanın paytaxtında minlərlə ailə qanunsuz olaraq öz evlərindən məhrum edilib. Çoxları müqavimətin faydasız olduğunu bilərək, öz qiymətli əmlaklarına görə qeyri-adekvat pul kompensasiyasına razılaşır. Mənzil Məcəlləsinə inanan azlıq isə tikinti şirkətlərindən ədalətli təzminat tələb edir, ancaq çox vaxt hər şeyi itirir - həm evini, həm də təzminatın istənilən formasını.
-
Düşərgədə iştirak edən məktəblilər ölkəmizi üç nüfuzlu beynəlxalq olimpiadada təmsil edəcək Ölkəmizin beynəlxalq fənn olimpiadalarında təmsil etməyə hazırlaşan şagirdlərin hazırlıq prosesi müvəffəqiyyətlə davam edir. Azercell, Elm və Təhsil Nazirliyi və Təhsil İnstitutunun birgə əməkdaşlığı çərçivəsində Bakı Ali Neft Məktəbində bu məktəblilər üçün növbəti “İnformatika Düşərgəsi” təşkil olunub.
-
Ötən gecə Azərbaycan-Ermənistan sərhədində 4.8, 3 və 3.8 maqnitudalı zəlzələlər baş verib, Azərbaycan Milli Elmlər Akademiyası Respublika Seysmoloji Xidmət Mərkəzi bildirib.
Rəy yaz