Açiq mənbələrdən foto.
Bakı/25.07.22/Turan: İyulun 21-də narkotik maddə alverində əli olan dörd sərhədçinin həbsi barədə səs-küylü iş davam edib. Bazar ertəsi Baş Prokurorluq bildirib ki, narkotik maddə alveri məşğul olan cinayətkar qrupa dörd yox, yeddi sərhədçi daxildir.
Belə ki, sərhəd qoşunlarının hərbi qulluqçuları Tural Osmanov, Şamil Abbasov, Habil Nəcəfov, Kamran Cəfərov, Nurlan Qasımov, Seymur Azadxanzadə, İlkin Qasımzadə və "digər vəzifəli şəxslər" xidməti vəziyyətdən istifadə edərək, İrandan narkotik vasitələrin gətirilməsi və mülki şəxs Hikmət Xəliliyə çatdırılması məqsədilə cinayətkar qrup yaradıblar.
İran tərəfdən bu cinayətkar qrupa daxil olanlar dövlət sərhədini pozaraq külli miqdarda narkotik vasitəni Cəbrayıl rayonunun Mehdili kəndi ərazisinə aparıblar. İyulun 21-də sərhədçilərdən dördü gizlədilmiş narkotik maddələri götürmək istəyərkən sərhəd naryadı tərəfindən saxlanılıb.
Onlardan 94,3 kiloqram müxtəlif narkotik vasitə, o cümlədən marixuana, heroin, metadon, metamfetamin götürülüb. Cinayətkar qrupun daha bir üzvü, mülki şəxs Bəşir Quliyevin barəsində axtarış elan edilib.
Adıçəkilən şəxslərin hamısı həbs edilib, onlara qarşı külli miqdarda narkotik maddənin qanunsuz ticarəti və qaçaqmalçılıq ittihamları ilə cinayət işi başlanılıb, bu barədə Baş Prokurorluğun məlumatında bildirilir.
Qeyd edək ki, bu, sərhədçilərin narkotik maddə alverinə bağlılığına dair ilk belə hadisədir. 02D
Cəmiyyət
-
İstanbul Hava Limanında həyata keçirilən bir əməliyyat, diplomatik münasibətlərdə sarsıntı yarada biləcək bir hadisəni üzə çıxardı. Azərbaycan hərbi attaşesi olduğu iddia edilən Kəhrəman Şamil oğlu Məmmədov, 70 kiloqram qızıl ilə saxlanıldı. Türkiyə KİV-in məlumatına görə, Məmmədovun diplomat olması ilə bağlı açıqlamalarına baxmayaraq, hadisənin qızıl qaçaqmalçılığı ilə bağlı olduğu güman edilir.
-
Sərin bir noyabr axşamı, Bakının sakinləri Xəzər dənizinin sahilində toplaşaraq, sahilə vurulmuş nəhəng bir balinanın bədənini heyrətlə izlədilər. 16 metr uzunluğunda olan bu məxluqun cansız görünən forması və kəskin qoxusu bir çoxlarına ekoloji faciənin şahidi olduqlarını düşündürdü. Lakin bu gecə sirli qonaq artıq yox idi – yük platformasına yüklənərək hava limanına aparılmışdı.
-
Noyabrın 25-dən etibarən COP29 konfransı iştirakçılarına ayrılmış xüsusi avtomobil zolaqları öz eksklüziv statusunu itirəcək və bütün nəqliyyat vasitələri üçün açıq olacaq. Bu barədə Yerüstü Nəqliyyat Agentliyi (AYNA) məlumat yayıb.
-
Noyabrın 24-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı, əsasən yağıntısız keçəcəyi gözlənilir. Lakin gecə və səhər bəzi yerlərdə duman, çiskin olacağı, gündüz isə qısamüddətli yağış yağacağı ehtimalı var. Mülayim cənub-şərq küləyi axşam şimal-qərb küləyi ilə əvəz olunacaq.
Rəy yaz