Açiq mənbələrdən foto.
Bakı/25.07.22/Turan: "Tərtər işi" üzrə mühakimə olunanların qohumları bazar ertəsi Baş Prokurorluğun binası qarşısında növbəti etiraz aksiyası keçiriblər. Onlar həbs edilənlərin azad olunmasını tələb ediblər.
"Bizim övladlarımıza 18-20 il həbs cəzası veriblər. Deyirlər ki, işə yenidən baxılır. 8 ay keçib, amma nəticə yoxdur. Eyni zamanda, həbs olunanlara işgəncə edənlər azadlıqdadır. İstintaq onların kimə xidmət etdiklərini müəyyənləşdirməlidir", - aksiya iştirakçılarından biri deyib.
Etirazçılar istintaq qrupunun rəhbəri Qasım Məmmədovun onları qəbul etməsini tələb ediblər. Onları qəbula buraxıblar. Hadisə insidentsiz ötüşüb.
* 2017-ci ilin yazında Ermənistan xüsusi xidmət orqanları ilə əməkdaşlıq və Azərbaycan Müdafiə Nazirliyinin bölmələrinə qarşı təxribatların hazırlanması ittihamı ilə bir qrup hərbi və mülki şəxs həbs edilib.Bu iş üzrə istintaq və məhkəmələr qapalı olub. İstintaq hərəkətləri zamanı səkkiz nəfər ölüncəyədək işgəncəyə məruz qalıb. Onlardan beşi ölümündən sonra bəraət alıb.
Zərərçəkənlərin və günahsız həbs olunanların qohumlarının çoxsaylı etirazlarına görə 2021-ci ilin dekabrında "Tərtər işi" üzrə istintaq bərpa olunub.
Bu ilin aprelində müstəntiqlər hərbi hissələrdə işgəncələrə məruz qalmış 397 nəfəri zərərçəkmiş kimi tanıyıblar. Eyni zamanda 16 günahsız məhkumun barəsində hökmlər ləğv edilib.
Bundan əlavə, Azərbaycan Cinayət Məcəlləsinin aşağıdakı maddələrilə ittiham olunan 10 nəfər həbs edilib: 145.3 (qanunsuz azadlıqdan məhrumetmə), 293.2 (işgəncə; amansız, qeyri-insani və ya ləyaqəti alçaldan), 341.2.2 (vəzifə səlahiyyətlərini aşma), 341.2.3 və 128 (qəsdən sağlamlığa yüngül zərər vurma). 30B06
Cəmiyyət
-
Lider mobil operatordan yeni Xiaomi smartfonunu əldə edən müştərilərə seçilmiş SuperSən tarif paketlərinə 50% endirim Azercell “Gənclər Günü” münasibətilə istifadəçilərə xüsusi kampaniya təqdim edir. Belə ki, “Azercell Exclusive” və rəsmi diler mağazalarından “Xiaomi Redmi Note 14” seriyasına aid smartfonlar əldə edən müştərilər “Supersən 6GB” və ya “Supersən 10GB” tarif paketinə 2 ay müddətində 50% endirim qazanacaqlar.
-
“Gubad İbadoğlu işi” çərçivəsində həbs edilən Fazil Qasımov və Anar Əliyevin məhkəmə prosesi cümə axşamı Bakı Ağır Cinayətlər Məhkəməsində davam edib. Hakim Mahirə Kərimovanın sədrliyi ilə keçirilən iclasda müdafiə tərəfi prosedur pozuntuları və saxta pul sübutlarının təqdim olunma qaydasına dair narahatlıqlarını ifadə edib.
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
-
Yanvarın 31-də saat 12 radələrində Ağcabədi rayonunun Hindarx qəsəbəsində yerləşən evlərdən birində 5 nəfərin ölməsi, 2 nəfərin yaralanması ilə nəticələnən partlayış baş verib. Xəbəri Baş Prokurorluğun mətbuat xidməti yayıb. Faktla bağlı Ağcabədi rayon prokurorluğunda araşdırma aparılır.
Rəy yaz