![Yol polisini döyən şəxslər saxlanılıb](https://turan.az/resized/750/500/resize/media/2016/main/022400147898.jpg)
Yol polisini döyən şəxslər saxlanılıb
Dünən polis əməkdaşlarını döyən şəxslər saxlanılıb. Baş Prokurluğun məlumatına əsasən, fevralın 24-də Bakının Xəzər rayonunda yol polisi əməkdaşları, serjantlar Vüqar Abbasov və Ceyhun Ağayev qırmızı işıqda keçən 10 DL 542 dövlət nömrə nişanlı VAZ 2107 markalı avtomobili saxlayıb.
Sürücü tabe olmayıb və yüksək sürətlə hərəkətə davam edib və Mərdəkan qəsəbəsinin Qızılqum bağ massivində dayanıb.
Maşından düşən Raqif Abdullayev, qardaşı Gülbala Abdullayev və atası Rafiq Abdullayev daş və digər əşyalarla onları təqib edən polis əməkdaşlarına hücum ediblər, onlara müxtəlif xəsarətlər yetiriblər.
Nəticədə aldığı xəsarətlərdən serjant Abbasov hospitala yerləşdirilib, Ağayevə ambulator yardım göstərilib.
Faktla bağlı Xəzər rayon prokurorluğunda 315.2-ci (hakimiyyət nümayəndəsinə qarşı zorakılıq) maddə ilə cinayət işi başlanıb.
Polislərə hücum edən hər üç şəxs saxlanılıb. -06D-
-
- İqtisadiyyat
- 24 Fevral 2016 19:14
Cəmiyyət
-
Bazar günü, iyulun 28-də Bakıda və Abşeron yarımadasında hava şəraitinin dəyişkən buludlu olacağı, arabir tutulacağı gözlənilir.
-
Bakı şəhəri ərazisində qanunsuz miqrasiyaya qarşı mübarizə çərçivəsində müxtəlif ünvanlarda əməliyyat tədbirləri həyata keçirilib. Daxili İşlər Nazirliyindən verilən məlumata görə, Baş Dövlət Yol Polisi İdarəsinin qanunsuz miqrasiyaya qarşı mübarizə idarəsinin əməkdaşları tərəfindən Azərbaycan ərazisində yaşamaq və qalmaq hüququ verən sənədləri olmayan 34 əcnəbi müəyyən edilərək saxlanılıb.
-
Azərbaycan Müdafiə Nazirliyi (AMN) iyulun 25-də bəyanat yayaraq son günlərdə Ermənistanı Kəlbəcərdə ağır silahlar, Tovuz istiqamətində isə kvadrokopter tətbiq etməklə ona qarşı “təxribatlar törətməkdə” günahlandırıb. Üstəlik, Ermənistanın Qərb ölkələri ilə hərbi əməkdaşlığından narazılıq və narahatlıq ifadə edib.
-
Daxili İşlər Nazirliyinin Baş Narkotiklərlə Mübarizə İdarəsinin son əməliyyatları zamanı narkotik maddələrin qanunsuz dövriyyəsilə məşğul olan mütəşəkkil dəstənin 5 üzvü - əvvəllər məhkum olunmuş Bəhlul İsmayılov, Röyal Əliyev, Xəyal Alıyev, Samir Ağayev və Əli Məmmədli saxlanılıblar.
Rəy yaz