Açiq mənbələrdən foto.
Bakı/14.04.22/Turan: Polis aprelin 13-də saxlanılmış Cenub.az regional xəbər saytının təsisçisi və redaktoru Zahir Amanovu cümə günü sərbəst buraxıb.
Onun barəsində polis nəzarətinə verilmə qətimkan tədbiri seçilib və istintaq müddətində o, azadlıqda olacaq. Bu barədə vəkil Elçin Sadıqov bildirib.
Onun sözlərinə görə, Amanov özünü təqsirli bilmir. Müdafiə tərəfi cinayət işinə xitam verilməsində israr edəcək.
Amanov Masallı rayonunun Sığdaş kənd icra başçısı İsrafil Əliyevin şikayəti əsasında saxlanılıb.
Polisin verdiyi məlumata görə, Amanov guya onu nüfuzdan salan materialı dərc etməklə hədələyərək şantaj edib. Polis iddia edir ki, Amanov 1500 manat rüşvət alarkən saxlanılıb. Faktla bağlı CM-in 182.1-ci maddəsi (hədələmə yolu ilə pul alma) ilə cinayət işi açılıb.
Amma media ictimaiyyətinin görkəmli nümayəndələri fəal vətəndaş mövqeyinə malik təcrübəli jurnalistə qarşı ittihamın doğruluğuna şübhə ediblər. Onlar obyektiv araşdırmanı təmin etmək və istintaq müddətində Amanovu sərbəst buraxmaq üçün DİN başçısına müraciət ediblər. -06В-
Cəmiyyət
-
Qazaxıstan Nəqliyyat Nazirliyinin "Azərbaycan Hava Yolları"nın (AZAL) Aktauda qəzaya uğrayan təyyarəsi ilə bağlı təhqiqata dair ilkin hesabatı bu məsələ ətrafında müzakirələri yenidən gündəmə daşıdı. Qəza Qazaxıstan ərazisində baş verdiyindən təhqiqatı da həmin ölkənin apardığı bildirilir.
-
Azərbaycanın Rəqəmsal İnkişaf və Nəqliyyat Nazirliyi faktiki olaraq təsdiqləyib ki, Prezident İlham Əliyevin rəsmi təyyarəsi “Bakı-1” 25 dekabr tarixində Müstəqil Dövlətlər Birliyinin (MDB) qeyri-rəsmi sammitində iştirak etmək üçün Sankt-Peterburqa uçuş zamanı xarici texniki müdaxiləyə məruz qalıb. Bu açıqlama, hadisənin detalları və Rusiya hava məkanında GPS siqnalının itirilməsi ilə bağlı xəbərlər fonunda diqqət mərkəzinə düşüb.
-
Yardımlı rayonunun İranla sərhədində 20 kiloqram narkotik vasitə və psixotrop maddə aşkarlanıb. Bu barədə Daxili İşlər Nazirliyinin mətbuat xidmətinin Lənkəran regional qrupu bildirib.
-
Fevralın 6-da Bakıda və Abşeron yarımadasında günün birinci yarısında bəzi yerlərdə çiskinli yağış yağacaq. Arabir güclənən şimal-qərb küləyi əsəcək.
Rəy yaz