Zamin Salayev
Bakı/06.07.23/Turan: Bu gün Bakı Apellyasiya Məhkəməsində Azərbaycan Xalq Cəbhəsi Partiyasının fəalı Zamin Salayevin barəsində hökmdən şikayət üzrə hazırlıq iclası keçirilib.
Mahiyyəti üzrə dinləmələr iyulun 13-nə təyin edilib.
Vəkil Nemət Kərimli Turan-a bildirib ki, iclas qanunun, əsasən də məhkəmə aşkarlığı prinsipinin pozulması ilə keçirilib. Məhkəmə zalına jurnalistlər buraxılmayıb.
Müdafiə tərəfi jurnalistin məlumat almaq hüququnun və məhkəmə aşkarlığı prinsipinin pozulduğunu hakim heyətinin diqqətinə çatdırılsa da, diqqətdən kənarda qalıb.
Belə olan halda vəkillər məhkəmənin tərkibinə etiraz ediblər. Ancaq etiraz təmin edilməyib.
Beləliklə, vəkilin qeyd etdiyi kimi, " Salayevin işi üzrə məhkəmənin ədalət prinsipi növbəti dəfə pozulub".
Digər vəkil Fəxrəddin Mehdiyev də məhkəmə aşkarlığı və ədalətlilik prinsipinin pozulduğunu qeyd edib.
Onun sözlərinə görə, müdafiə tərəfi Salayevin barəsində qətimkan tədbirinin dəyişdirilməsi və onun ev dustaqlığına keçirilməsinə dair vəsatət qaldırıb.
Lakin vəsatət təmin olunmayıb.
Vəkil həmçinin qeyd edib ki, 105 günlük aclıqdan sonra Salayevin səhhətində ciddi problemlər qalır.
* Zamin Salayev fevralın 7-də saxlanılıb, ertəsi gün Bakının Qaradağ Rayon Məhkəməsi onu silahdan istifadə etməklə xuliqanlıq ittihamı (Azərbaycan Cinayət Məcəlləsinin 221.3-cü maddəsi) ilə həbs edib. Saxlanıldığı andan Salayev onu azad etmək tələbilə aclıq elan edib. Mayın 22-də məhkəmə onu 4 il həbs cəzasına məhkum edib. İyunun 1-də, aclığın 115-ci günündə Apellyasiya Məhkəməsinin onun şikayətinə obyektiv baxacağına dair zəmanət verildikdən sonra aksiyanı dayandırıb.
ABŞ-ın Bakıdakı səfirliyi hakimiyyəti Zamin Salayevi və digər siyasi məhbusları azad etməyə çağırıb.16B06
Cəmiyyət
-
"Göytəpə" sərhəd dəstəsinin xidməti ərazisində ümumi çəkisi 7 kiloqram 145 qram narkotik vasitəni ölkə ərazisinə keçirməyə cəhd edən İran vətəndaşı 1984-cü il təvəllüdlü Mollayı Meysən Allahbaxış saxlanılıb. Bu barədə yanvarın 31-də Azərbaycan Dövlət Sərhəd Xidməti məlumat yayıb.
-
Yanvarın 31-də saat 12 radələrində Ağcabədi rayonunun Hindarx qəsəbəsində yerləşən evlərdən birində 5 nəfərin ölməsi, 2 nəfərin yaralanması ilə nəticələnən partlayış baş verib. Xəbəri Baş Prokurorluğun mətbuat xidməti yayıb. Faktla bağlı Ağcabədi rayon prokurorluğunda araşdırma aparılır.
-
Şənbə günü Bakıda hava şəraiti dəyişkən buludlu, yağmursuz olacaq. Şimal-şərq küləyi əsəcək. Havanın temperaturu gecə 5-7 dərəcə, gündüz 8-12 dərəcə olacaq. Nisbi rütubət 70-80% təşkil edəcək.
-
Yanvarın 29-da Azərbaycanda bələdiyyə seçkiləri keçirildi. 118 dairə üzrə seçkilərdə 16 mindən çox namizəd iştirak etdi. Mərkəzi Seçki Komissiyasının (MSK) saytında artıq lider namizədlərin adları açıqlanıb. Seçkidən saatlar sonra isə MSK sədri Məzahir Pənahov brifinqdə bildirmişdi ki, 685 bələdiyyənin 413-ü artıq formalaşmış hesab edilir, lider namizədlərin sayı 7 min 791 nəfərdir. Onun sözlərinə görə, bütün dairələrdə seçkilər normal keçib və rəhbərlik etdiyi quruma heç bir şikayət daxil olmayıb. Halbuki, müstəqil namizədlər və ekspertlər seçkilərin gedişatında pozuntuların olduğunu deyirlər.
Rəy yaz