![Açiq mənbələrdən foto.](https://turan.az/resized/750/500/resize/media/2023/main/070600064095.webp)
Açiq mənbələrdən foto.
- Söz istəyirəm
- 6 İyul 2023, 16:45
- 105
Qarabağda Hazırda Rusiya kontingentindən başqa heç bir silahlı dəstə olmamalıdır.
Diletançılıq ilə aram yoxdur. Hələ 2020-ci ilin sonları üçtərəfli bəyanatın icrası ilə bağlı təkliflərimi yazanda vurğulamışdım ki, həmin bəyanatın 4-cü bəndinə əsasən “erməni silahlı qüvvələri” Rusiya kontingenti ərazidə yerləşdirilməsi ilə paralel şəkildə çıxarılmalıdır.
Buradan hansı nəticələr çıxır? Rusiya hərbçiləri Qarabağ zonasında qısa müddətdə, az qala bir həftədə yerləşdirildi. Yəni yuxarı-aşağı 2 il 8 aydır ki, orada “rus sülhməramlıları” yerləşdiriliblər. Sual olunur: Erməni silahlı qüvvələri çıxarıldımı? Xeyr!
Paşinyan deyir ki, orada Ermənistan hərbçiləri yoxdur. Bundan sonra çoxunun başı qarışır ərazidə rəsmi Ermənistanın Silahlı Qüvvələrinin olub-olmaması barədə mübahisələrə qarışır. Erməni şərhçilərin mövqeyi aydındır. Bizdəkilər niyə belə edirlər?
Ay camaat!
Birincisi, bəyanatın 4-cü bəndində “Ermənistan Silahlı Qüvvələri” yazılmayıb, kiçik hərflərlə “erməni silahlı qüvvələri” yazılıb. Bu o deməkdir ki, söhbət həm rəsmi (Ermənistan), həm də qeyri-rəsmi erməni silahlı qüvvələrindən gedir. Özünü “Artsax müdafiə ordusu” adlandıranlar məhz qeyri-rəsmi erməni silahlı qüvvələrindəndir. Adicə məntiqdir. “erməni silahlı qüvvələri” anlayışı daha geniş məfhum kimi həm rəsmi Ermənistanın silahlı qüvvələrini, həm də ərazidəki qanunsuz silahlı qüvvələri ehtiva edir.
İkincisi, bəyanatın mətnində 6 yerdə “Ermənistan”, “Ermənistan Respublikası” ifadələri işlədilib, hüquqi sənədlərin, o cümlədən beynəlxalq-hüquqi müqavilələrin təfsiri qaydalarından birmənalı o nəticə çıxır ki, 4-cü bənddə tərəflər Ermənistan Respublikasının silahlı qüvvələrini nəzərdə tutsa idilər, mənsubiyyəti belə də göstərərdilər: “Ermənistan Respublikasının Silahlı Qüvvələri”, yaxud “Ermənistan silahlı qüvvələri”
Üçüncüsü, bəyanatda Azərbaycanla yanaşı iki dövlətin adı gedir: Rusiya və Ermənistan. Deməli, həmin sənəd üzrə götürülmüş öhdəliklərin icrası üçün həm Rusiya, həm də Ermənistan (onun rəsmi Silahlı Qüvvələrinin ərazidə olub-olmamasından asılı olmayaraq) məsuliyyət daşıyır. Azərbaycanın müvəqqəti olaraq tam nəzarət etmədiyi ərazidə üçtərəfli bəyanata əsasən Azərbaycan Ordusu və Azərbaycanın razılığı ilə Rusiya kontingentindən başqa heç bir silahlı dəstə olmamalıdır.
-
- İqtisadiyyat
- 6 İyul 2023 16:41
-
- Cəmiyyət
- 6 İyul 2023 16:56
Söz istəyirəm
-
Gəncə şəhərində ünvanlı sosial yardımın təyinatı ilə bağlı yubanmalar yarandığı deyilir. Gəncə şəhərində yaşayan Hacıyev Vüqar Turana bildirib ki, artıq bir aydan çoxdur ki, ünvanlı dövət sosial yardım üçün Dövlət Sosial Müdafiə Fondunun Gəncə vahid əlaqələndirmə mərkəzinə müraciət etsə də, ona nə müsbət cavab, nə də imtina cavabı verilmir: "Əlaqəndirmə mərkəzinə zəng vurub soruşanda deyirlər ki, VEMTAS sistemi işləmir deyə, müraciətlərə baxılması və cavabların verilməsi mümkün deyil. Bir aydan çoxdur ki, Gəncədən müraciət edən adamlar konkret cavab ala bilmir".
-
Çin hökümətinin başlatdığı Bir yol, bir kəmər layihəsi Çinin müasir tarixinin əsas uğuruna çevrilib. Çin Xalq Respublikasının təşəbbüskarı olan layihəyə tərəfdaş ölkələrdəki fəaliyyəti yalnız ikitərəfli iqtisadi yüksəlişlə məhdudlaşmır, həmçinin Bir yol, bir kəmər-ə üzv olan dövlətlərdə Çinin xarici siyaəstinə dəstəkdir. Əlavə olaraq layihədə üzvlüyü olan ölkələr Çin üçün mühüm təbii resurs mənbəyidir. Azərbaycan da Çinin rəhbərlik etdiyi Bir yol, bir kəmər layihəsinin iştirakçılarından biri olaraq ikitərəfli münasibətlərin tərəqqisində mühüm rol oynayır. Belə ki, Rusiya-Ukrayna müharibəsinin başlanması ilə Rusiya ərazisinin Qərbə çıxışının bağlanmasından sonra Trans-Xəzər Beynəlxalq Nəqliyyat yolu Azərbaycanı əsas ticarət marşurut xətti edib. Həmçinin yaranan şərait qeyri-neft sektorun artırmaq və İkinci Qarabağ Müharibəsindən sonra xarici investisiyanın ölkəyə axınını planlaşdıran Azərbaycan üçün xeyirli nəticələnə bilər. Lakin, Çinlə münasibətlərdəki yalnış siyasət bir çox mənfi təsirlər də vəd edir.
-
İki il əvvəl Biləsuvar Rayon İcra Hakimiyyətinin və Əmək və Əhalinin Sosial Müdafiəsi Nazirliyinin nümayəndələri Birinci Qarabağ müharibəsinin qəhrəmanı, şəhid Şaiq Kəlbiyevin evinə gəliblər və hakimiyyətin bu ailə üçün yeni ev tikmək niyyətində olduğunu bildiriblər.
-
Dəyərli media mənsublarını, peşəkar və vicdanlı jurnalistləri məhbəsdən salamlayıram.
Rəy yaz