Ankaradakı terror aktının arxasında kimlər dayanıb? – Xaləddin İbrahimli Çətin sualda

Çərşənbə günü Türk Hava və Kosmik Sənaye şirkətinin (TUSAŞ) Ankaradakı Kahramankazan bölgəsindəki binasına hücum edilib.

Türkiyənin daxili işlər naziri Ali Yerlikaya, X hesabında yazıb ki, "TUSAŞ Ankara Kahramankazan obyektlərinə terror hücumu təşkil edilib".

Hücumda 5 nəfərin öldüyü, 22 nəfərin yaralandığı, yaralılardan 19-nun müalicəsinin davam etdiyini açıqlanıb.

Nazir Yerlikaya hücumu həyata keçirən biri kişi və biri qadın olan iki nəfərin öldürüldüyünü bildirib.

Anadolu Agentliyinin məlumatına görə, hücumda ölənlər TUSAŞ-da keyfiyyətə nəzarət məmuru işləyən Cengiz Coşkun, qurumun digər əməkdaşı Hasan Hüseyn Canbaz, mühəndis-mexanik Zahide Güçlü, mühafizəçi Atakan Şahin Erdoğan və taksi sürücüsü Murat Arslan olub.

Daxili işlər naziri Ali Yerlikaya axşam saatlarında verdiyi açıqlamada hücuma görə PKK-nı işarə edib.

Türkiyənin paytaxtı Ankara şəhərində FETÖ/PYD terror qruplaşması ilə əməkdaşlıqda şübhəli bilinən 12 şəxs saxlanılıb. Türkiyə mediasının yaydığı məlumata görə, onlar haqqında hüquqi prosedur başladılıb.Daha bir şübhəlinin axtarışları davam edir.

Türkiyə qanunlarına görə, məhkəmə qərarı ilə hadisə ilə bağlı məlumatların dərc olunmasına qadağa qoyulub.

Baş verənlərlə bağlı Türkiyədə yaşayan siyasi şərhçi Xaləddin İbrahimli Kamran Mahmudovun təqdimatında yayımlanan “Çətin sual” verilişində danışır.