Prokurorluq kənd təsərrüfatı məhsullarının ixracatçılarını ifşa etməyə davam edir
İkinci gündür ki, Azərbaycan Baş Prokurorluğu ölkəyə pul vəsaitinin qaytarılmamasında ittiham olunan kənd təsərrüfatı məhsulları ixracatçılarının ifşa olunduğunu bildirir.
İstintaqın məlumatına görə, bu iş üzrə "Xaçmaz Aqro", "Natural Fruit", "Fresh Fruits Group", "Global Trade Group", "Garden Store" şirkətlərin təsisçiləri Tərlan Məmmədov, Gündüz Hüseynov, Hafiz Rezzahnicat, Elşən Əmrahov, Royal İmanov, İntiqam Nəsirov, Nicat Əlimardanov və xaricdə fəaliyyət göstərən digər şirkətlər ittiham olunurlar. Onlar kənd təsərrüfatı məhsullarının ixracından əldə edilən 340 milyon dolları Azərbaycanda müvəkkil bankın hesabına qaytarmayıblar.
Onlara qarşı Cinayət Məcəlləsinin 208.2.1, 208.2.2 (qabaqcadan əlbir olan bir qrup şəxs tərəfindən külli miqdarda xarici valyuta vəsaitini xaricdən qaytarmama), 308.2 (ağır nəticələrə səbəb olan vəzifə səlahiyyətlərindən sui-istifadə) və digər maddələrlə ittiham irəli sürülüb.
Binəqədi Rayon Məhkəməsinin qərarı ilə Tərlan Məmmədov, Gündüz Hüseynov və Hafiz Rezzahnicat həbs ediliblər, digərləri isə polisin nəzarətinə verilib. Araşdırma davam edir.
Siyasət
-
Şərq Tərəfdaşlığı Vətəndaş Cəmiyyəti Forumunun (EaP CSF) Baş Assambleyası cümə günü qəbul etdiyi qətnamədə Ukraynada Rusiyanın davam edən təcavüzündən qaynaqlanan geosiyasi gərginliklərin artdığı bir şəraitdə demokratik islahatlara, regional sabitliyə və Avropa inteqrasiyasına sadiqliyini bir daha təsdiq edib.
-
Bakı 1 saylı İstintaq Təcridxanasında saxlanılan fəal Nicat İbrahim əsassız cinayət təqibinə etiraz olaraq noyabrın 20-də özünə çoxsaylı xəsarət yetirib. Bu barədə Turan-a onun xanımı Pərvin İbrahim bildirib. Onun sözlərinə görə, noyabrın 21-də həyat yoldaşı zəng edərək deyib ki, ötən gün güzgü parçası ilə özünə xəsarət yetirib. O, boğazını və qulaqlarını kəsib.
-
Bu gün Birləşmiş Millətlər Təşkilatının baş katibi Antonio Quterreş təsdiqləyib ki, Bakıda COP29 iqlim konfransında iştirak edən ölkələr gələn il üçün iqlim dəyişikliyilə mübarizəyə vəsait ayrılması barədə razılığa gəlməyiblər.
-
Birləşmiş Millətlər Təşkilatının Ətraf Mühit Proqramı (UNEP) və Azərbaycanın Ekologiya və Təbii Sərvətlər Nazirliyi cümə axşamı COP-29-da Niyyət Protokolu imzalamaqla davamlı su resurslarının idarə edilməsinə olan sadiqliklərini rəsmi şəkildə təsdiqlədilər. UNEP-in icraçı direktoru İnqer Andersen və COP-29-un prezidenti Muxtar Babayev tərəfindən təsdiqlənmiş bu razılaşma, suyun iqlim dəyişikliyi ilə mübarizədə və davamlı inkişafın təşviqində mühüm rolunu vurğulayır.
Rəy yaz