Bakı/15.10.19/Turan: Qarşıda duran 5 il Azərbaycanda avtoritar rejimə qarşı əvvəlki illərlə müqayisədə daha qətiyyətli mübarizə dövrü olacaq. bu fikri oktyabrın 13-də yenidən Müsavat Partiyasının sədri seçilmiş Arif Hacılı Turan agentliyinin "Çətin Sual" verilişinə müsahibəsində bildirib.
Onun fikrincə, sözügedən dövr "dəyişikliklər üçün şanslar və imkanlar" dövrü olacaq.
Hacılı qeyd edib ki, Müsavat demokratik dəyişikliklər uğrunda mübarizənin ilk cərgələrində gedəcək.
Partiya artıq öz qurultayında demokratik seçkilərin təşkili nümunəsini göstərib, sədr alternativ əsasla seçilib. Bu zaman o, təəssüflə Azərbaycanda demokratik seçkilər təcrübəsinin olmadığını qeyd edib.
"Azərbaycanda nə ombudsman, nə hakimlərin, nə prokurorların, nə partiyalar daxilində real seçkilər yoxdur. Azərbaycan hakimiyyəti xeyli dərəcədə cəmiyyətin seçkiləri onunla əlaqəsi olmayan bir siyasi proses kimi qəbul etməsinə nail olub.
Buna görə biz əvvəlcə partiya daxilində seçkilərə maraq oyandırdıq. Digər tərəfdən, Azərbaycan hakimiyyətindən tələb etdiyimizi tətbiq etdik. Biz alternativ seçkilər və Azərbaycanda ilk dəfə olaraq namizədlərin debatlarını keçirdik. Seçkilər şəffaf, azad və demokratik olub. Hesab edirəm ki, Müsavat-da keçirilən seçkilər nümunəvi idi", deyə Hacılı bildirib.
Qurultayda korrupsiyaya qarşı mübarizə taktikası, Qarabağ münaqişəsinin həlli, seçkilər haqqında sənədlər də daxil olmaqla, bir sıra mühüm sənədlər qəbul edilib.
Müsavat seçkilərdə iştirakı üçün minimum demokratik standartların təmin edilməsini zəruri hesab edir. Söhbət bərabərhüquqlu siyasi rəqabət üçün şərait yaradılmasından gedir.
Hacılının sözlərinə görə, Müsavat sözügedən məqsədlərə nail olmaq üçün siyasi təşkilatların və bütünlükdə cəmiyyətin birgə mübarizəsini təşkil etmək niyyətindədir.
Müsavat-ın qarşıda duran bələdiyyə və parlament seçkilərində iştirakı ilə bağlı məsələyə toxunan Hacılı qeyd edib ki, bu iki məsələni bir-birindən ayırd etmək lazımdır.
Onun sözlərinə görə, yerli özünüidarə orqanlarının real səlahiyyətləri olmadığına görə siyasi partiyaların bələdiyyə seçkilərinə marağı azdır.
Ölkədə demokratik seçkilər üçün minimum şərtlər təmin edilə bilsə Müsavat parlament seçkilərində iştirak edəcək. -16B06-
Çətin sual
-
Donald Trampın yenidən ABŞ Prezidenti seçilməsi iki ölkə arasındakı münasibətlərə necə təsir edəcək? Azərbaycandakı insan haqları, demokratiya məsələləri ABŞ siyasətində hansı yeri tutacaq?
-
ABŞ-də keçirilən prezident seçkilərinin ilkin nəticələri açıqlanıb. İlkin nəticələrə görə keçmiş prezident Donald Tramp irəlidədir. Tramp özü də ABŞ-də keçirilən prezident seçkilərində qalib gəldiyini bəyan edib.
-
Bu gün ABŞ-də prezident seçkiləri keçirilir. Prezidentlik uğrunda hazırkı vitse-prezident Kamala Harris və keçmiş prezident Donald Tramp mübarizə aparır. İyulun 21-də Demokrat Partiyasının 2024-cü il ABŞ prezidentliyinə namizədi, hazırki prezident Co Bayden yarışdan geri çəkiləcəyini və vitse-prezident Kamala Harrisin namizədliyini dəstəkləyəcəyini açıqladı. Donald Tramp isə bu seçkidə respublikaçıları təmsil edir.
-
Seçki Məcəlləsinə görə, bələdiyyələrin səlahiyyət müddəti 5 ildir, bu ilin dekabr ayının 23-də Azərbaycanda bələdiyyələrin səlahiyyət müddəti başa çatacaq. Səsvermə Mərkəzi Seçki Komissiyası (MSK) tərəfindən seçkilərə 60 gün qalmış elan edilməlidir. Ancaq artıq seçkilərə 52 gün qalsa da, Mərkəz Seçki Komissiyası (MSK) hər hansı açıqlama yaymayıb.
Rəy yaz