![Operativ qərargahın qərarları- Əzizə İsmayılova “Çətin sual" qarşısında](https://turan.az/resized/750/500/resize/media/2021/main/052500033332.jpg)
Operativ qərargahın qərarları- Əzizə İsmayılova “Çətin sual" qarşısında
Bakı/25.05.21/Turan: Bu gün, mayın 25-də keçirilən Nazirlər Kabineti yanında Operativ Qərargahın brifinqində mühüm qərarlar qəbul olunub.
Yeni qərarlara görə:
Mayın 31-dən etibarən açıq havada maska taxmaq məcburiyəti aradan qaldırılır.
Mayın 31-dən etibarən Bakı metrosunun fəaliyyəti və regionlara nəqliyyatın hərəkəti bərpa olunur.
İyunun 10-dan etibarən iri ticarət mərkəzləri açılır.
İyunun 10-dan etibarən çimərliklər açılır.
İyunun 10-dan etibarən idman və sağlamlıq bərpa müəssisələri açılır.
İyunun 10-dan etibarən məscidlər açılır.
Jurnalist Əzizə İsmayılova Kamran Mahmudovun təqdimatında yayımlanacaq “Çətin sual” verilişində Operativ qərargahın yeni qərarlarını şərh edib.
Qadağaların indiki vaxtında, yəni koronavirusun müxtəlif ştammlarının daha sürətlə yayıldığı bir zamanda belə açılıma getməyin nə dərəcədə zəruri olması barədə jurnalist deyir ki, bu, cəmiyyətə daha çox pozitivlik verir.
Bu məsələdə ağırlıq daha çox peyvənd olunmağın üzərinə qoyulur. Belə ki, iki doz vaksinləşmədən keçənlərin zallara, konsert salonlarına girişləri asanlaşır.
Onun şərhinə görə, qərarda göstərilən obyekt və ibadət evlərinin açıldığı deyilir: “Amma bundan aydın olmur ki, yas, toy məclislərinin keçirilməsinə icazə verilir, ya yox?”.
İsmayılova deyir ki, mayın 31-dən metronun fəaliyyət göstərəcəyi qərarı verilib, amma həftəsonları avtobuslar kimi metropoliten də işləməyəcək.
İsmayılova vurğulayır ki, ölkədə normal həyata qayıdılması üçün peyvəndlənmə qaçılmazdırsa, demək, bunun alternativi yoxdur, ona görə də əksəriyyət peyvəndlənmədən keçməlidir.
Amma jurnalist bu düşüncədədir ki, ölkədə həyatın tam normallaşması sentyabr ayı və ondan sonra mümkün ola bilər-05B-
-
- Siyasət
- 25 May 2021 15:26
-
- Çətin sual
- 25 May 2021 16:01
Çətin sual
-
Sentyabrın 1-nə təyin olunmuş növbədənkənar parlament seçkilərində iştirak etmək üçün imzatoplama kampaniyası hazırda davam edir. Hazırda mindən çox şəxsin namizəd olmaq üçün müraciət etdiyi bildirilir.
-
Son vaxtlar aqressiyanın artmasının səbəbi olaraq şok effekti yaradan kriminal xəbərləri tez-tez eşidirik.
-
İlin sonuna kimi məktəblərdə adambaşına maliyyələşmə sisteminə keçid planlaşdırılır. Elm və təhsil naziri Emin Əmrullayevin sözlərinə görə, bu, bir neçə məktəbdə pilot kimi həyata keçiriləcək: "Sınaq uğurlu olsa, inkişaf üçün cəbhə yaranacaq. Bununla da məktəb muxtariyyəti və müəllimlər tərəfindən idarə olunması üçün yaxşı zəmin yaranacaq".
-
Ermənistanın baş naziri Nikol Paşinyan Böyük Britaniyada Azərbaycan prezidenti İlham Əliyevlə görüşdən imtina edib. Bunu Azərbaycan prezidentinin köməkçisi - Prezident Administrasiyasının xarici siyasət məsələləri şöbəsinin müdiri Hikmət Hacıyev "Report"a bildirib.
Rəy yaz