Foto: Kristina Zorkina/Imago
Berlin sovet abidələrində Rusiyanın simvollarını qadağan edir
DW: Mayın 8-9-da polis qadağası “Treptower Park”, “Tiergarten” və “Schönholzer Heide”dəki sovet abidələrinə şamil edilir. Burada Müqəddəs Georgi lentləri, Rusiya bayraqları və hərbi mahnılar qadağandır.
Avropada mayın 8-9-da qeyd olunan İkinci Dünya Müharibəsinin başa çatması ilə əlaqədar Berlin polisi şəhərdə və ətraf ərazilərdə sovet abidələrinin yanında rus simvollarını qadağan edib. Bu günlərdə Rusiya bayraqları, Georgi lentləri, uniformaları, ordenləri, hərbi və marş mahnıları, o cümlədən Rusiyanın Ukraynaya qarşı müharibəsini tərənnüm edən simvollar, o cümlədən Z simvolu qadağandır, deyə çərşənbə günü, mayın 7-də axşam saatlarında verilən polis əmrində bildirilir.
İstisnalar yalnız İkinci Dünya Müharibəsi veteranları, diplomatlar və digər hökumət nümayəndələri üçün nəzərdə tutulub. Məhdudiyyətlər abidələrdən kənarda və ona bitişik ərazilərdə keçirilən mitinqlərə də şamil edilmir. Burada iclaslar haqqında qanunun adi qaydaları tətbiq olunur.
Rusiya səfirliyi bayraqlara qoyulan qadağanın götürülməsinə çağırıb
Rusiyanın Berlindəki səfirliyi Almaniya paytaxtının hakimiyyət orqanlarını sovet abidələri ərazisində Rusiya bayrağı və simvollarına qoyulan qadağanı ləğv etməyə çağırıb. “Biz bu qadağanı müharibədən sonrakı dövrdə Rusiya və Almaniya xalqları arasında mövcud olan tarixi barışıq ruhuna zidd olaraq ayrı-seçkilik kimi qiymətləndiririk”, - səfirliyin bəyanatında deyilir.
Bu il dünya ictimaiyyəti İkinci Dünya Müharibəsinin Avropada başa çatmasının 79 illiyini qeyd edir. Almaniyada tədbirlər mayın 8-də, Rusiyada və keçmiş SSRİ-nin əksər ölkələrində isə nasist Almaniyasının təslim olması haqqında müqavilənin imzalandığı vaxt fərqinə görə mayın 9-da keçirilir.
Anım tədbirləri Rusiyanın Ukraynaya qarşı aqressiv müharibəsi fonunda üçüncü dəfədir keçirilir. Son iki ildə bu, müxtəlif nümayişçi qruplarının üzvləri arasında münaqişələrə səbəb olub.
-
- Mədəniyyət
- 8 May 2024 11:53
-
- Cəmiyyət
- 8 May 2024 12:05
Dünyada
-
Cümə günü səhər saatlarında Ukrayna pilotsuz təyyarəsinin Krıma kütləvi hücumu Sevastopol şəhərində elektrik kəsilməsinə və Rusiyanın cənubundakı neft emalı zavodunu yanmasına səbəb olub.
-
Ərəb Dövlətləri Liqası cümə axşamı Fələstin ərazilərində BMT-nin sülhməramlı qüvvələrinin yerləşdirilməsinə və İsraillə HƏMAS arasındakı müharibəni müzakirə etmək üçün yüksək səviyyəli beynəlxalq sülh konfransının keçirilməsinə çağırıb.
-
Si Cinpin və Vladimir Putin cümə axşamı günü ABŞ-ın iki ən güclü rəqibi arasında tərəfdaşlığın "yeni erası"nın başladığını elan etdilər və onlar ABŞ-ı bütün dünyada xaos törədən aqressiv Soyuq Müharibə dövrü hegemonu adlandırıblar.
-
“Google Alphabet” şirkəti çərşənbə axşamı süni intellekt məlumat mərkəzi çipləri ailəsindən “Trillium” məhsulunu təqdim edib və bildirdiyinə görə, bu, əvvəlki versiyadan təxminən beş dəfə sürətlidir.
Rəy yaz