Fələstinin baş naziri Ştaye istefaya gedir

Fələstinin baş naziri Məhəmmad Ştaye bazar ertəsi günü İsrailin Qəzzada islamçı Həmas qruplaşmasına qarşı müharibəsindən sonra fələstinlilər arasında siyasi razılaşmaya dair geniş konsensusun əldə olunmasını təmin etmək üçün istefa verdiyini bildirib.

Bu addım ABŞ-ın Fələstin Muxtariyyətini silkələmək üçün prezident Mahmud Abbasa artan təzyiqləri fonunda atılıb, çünki Qəzzada döyüşləri dayandırmaq və müharibədən sonra anklavı idarə etmək üçün siyasi struktur üzərində işə başlamaq üçün beynəlxalq səylər güclənib.

Onun istefası hələ Mahmud Abbas tərəfindən qəbul edilməlidir, ondan daimi əvəz təyin olunana qədər fəaliyyətdə qalmasını istənilə bilər.

Ştayenin Nazirlər Kabinetinə verdiyi açıqlamada, 2019-cu ildə vəzifəyə başlayan iqtisadçı alim bildirib ki, növbəti mərhələdə təxminən beş ay davam edən gərgin döyüşlər nəticəsində dağılmış Qəzzada yaranan reallığı nəzərə almaq lazımdır.

O deyib ki, növbəti mərhələ "Qəzza zolağında yaranan reallığı, milli birlik üzrə danışıqları və Fələstindaxili konsensusa nail olmaqzərurətini nəzərə alan yeni hökumət və siyasi razılaşmalar tələb edəcək".

Üstəlik, bu, "orqanın səlahiyyətlərinin Fələstinin bütün ərazisinə genişləndirilməsini" tələb edəcək.

30 il əvvəl Oslo müvəqqəti sülh razılaşması əsasında yaradılan Fələstin Administrasiyası işğal altındakı İordan çayının qərb sahilinin bəzi hissələri üzərində məhdud idarəçilik həyata keçirir, lakin 2007-ci ildə Həmasla döyüşdən sonra Qəzzada hakimiyyətini itirib.

Fələstin Muxtariyyətinə nəzarət edən FƏTH və HƏMAS milli birlik hökuməti haqqında razılığa gəlmək üçün səy göstəriblər və çərşənbə günü Moskvada görüşməlidirlər.

HƏMAS-ın yüksək rütbəli nümayəmdəsi bildirib ki, bu addımdan sonra fələstinliləri idarə etmək üçün daha geniş razılaşma əldə edilməlidir.

“Ştaye hökumətinin istefası yalnız növbəti mərhələ haqqında razılaşmalar üzrə milli konsensus kontekstində baş verərsə məna kəsb edir”, - Bu barədə “Reuters”ə Həmas-ın yüksək vəzifəli rəsmisi Sami Əbu Zuhri bildirib.

HƏMAS-ı məhv edəcəyinə söz verən İsrail, oktyabrın 7-də HƏMAS-ın İsrailin cənubuna hücumundan sonra başlayan və İsrailin hesablamalarına gör, 1200-ə yaxın israilli və əcnəbinin ölümü ilə nəticələnən müharibədən sonra təhlükəsizlik baxımından Fələstin Muxtariyyətinin Qəzza zolağı üzərində hökmranlığını qəbul etməyəcəyini bildirir.

Fələstin səhiyyə orqanlarının məlumatına görə, Qəzzadakı hərbi əməliyyatlar nəticəsində indiyədək 30 minə yaxın fələstinli öldürülüb və demək olar ki, bütün əhali evlərindən didərgin düşüb.