Danimarka “Nord Stream” qaz kəmərində partlayışlarla bağlı araşdırmanı dayandırıb
Bazar ertəsi Danimarka Rusiya qazını Almaniyaya daşıyan " Nord Stream" boru kəmərlərində 2022-ci ildə baş vermiş partlayışlarla bağlı təhqiqatını dayadırdığı bildirib və qonşu İsveçin öz təhqiqatını bağladıqdan sonra bunu edən ikinci ölkə olub.
Baltik dənizinin dibi ilə qaz nəql edən çoxmilyardlıq “Şimal axını 1” və “Şimal axını 2” boru kəmərləri 2022-ci ilin sentyabrında İsveç və Danimarka iqtisadi zonalarında baş verən silsilə partlayışlar nəticəsində zədələnib və havaya böyük miqdarda metan buraxılıb.
“Araşdırma hakimiyyət orqanlarını qaz kəmərlərində qəsdən təxribat törədildiyi qənaətinə gətirib. Bununla belə, qiymətləndirməyə görə, Danimarkada cinayət işinin başlanması üçün kifayət qədər əsaslar yoxdur”, – deyə Kopenhagen polisinin açıqlamasında bildirilir.
2022-ci ilin fevralında Moskvanın Ukraynaya müdaxiləsindən sonra münasibətləri korlanan Rusiya və Qərb boru kəmərində baş verən partlayışlara görə bir-birini günahladırıb. Hər biri hər hansı bir əlaqəni inkar etdi və heç kim məsuliyyəti üzərinə götürmədi.
Bu ayın əvvəlində İsveç partlayışlarla bağlı araşdırmanı dayandıraraq, bu məsələdə heç bir yurisdiksiyasının olmadığını bildirsə də, tapdığı sübutları hələ heç bir nəticəni açıqlamayan alman müstəntiqlərinə təqdim edib.
Danimarka polisi müvafiq xarici tərəfdaşlarla əməkdaşlıq etdiklərini və istintaqın "həm mürəkkəb, həm də hərtərəfli" olduğunu bildirib.
Reuters-in istintaqı davam etdirmək üçün nə üçün kifayət qədər dəlil olmadığını və əldə etdiklərini nəticələri hansı orqanlarla paylaşdıqlarını aydınlaşdırmağı istədikdə polis nümayəndəsi şərh verməkdən imtina edib.
Danimarka polisi daha bir qədər əvvəl bildirib ki, boru kəmərləri güclü partlayışlar nəticəsində zədələnib, isveçli müstəntiqlər isə ərazidə tapılan partlayıcı maddələrin izlərinin təxribatın baş verdiyini ehtimal etdiyini təsdiqləyiblər.
Keçən il Almaniya BMT Təhlükəsizlik Şurasına partlayıcı maddələrin daşınması üçün istifadə oluna bilən yelkənli yaxtada sualtı partlayıcıların izlərini tapdığını və təlim keçmiş dalğıcların boru kəmərlərinə partlayıcı qurğu bağlaya biləcəyini barədə məlumat vermişdi.
-
- Dünyada
- 26 Fevral 2024 13:56
-
- İqtisadiyyat
- 26 Fevral 2024 14:57
Dünyada
-
Bu başlıq altında Britaniyanın Express qəzeti Vladimir Putinin iqtisadi çətinliklərin ağırlığını hiss etdiyini bildirir. Bu çətinliklər, hazırda Rusiyanın Ukraynadakı davam edən müharibənin təzyiqi altında mübarizə apardığı bir dövrdə, Sovet İttifaqının dağılmasına səbəb olan vəziyyəti xatırladır.
-
İranın Fələstin məsələlərində davamlı iştirakını və regional dinamika üzərindəki təsirini vurğulayan bir addım olaraq, İran Prezidenti Masud Pəzəşkian Qətərdə təşkilatın siyasi bürosunun sədr müavini Xəlil əl-Həyyanın da daxil olduğu yüksək səviyyəli HƏMAS nümayəndə heyəti ilə görüş keçirdi. Bu danışıqlar Pəzəşkianın Asiya Əməkdaşlıq Dialoqu sammitində iştirakından sonra baş tutub. Bu sammitdə müxtəlif Asiya ölkələrinin rəsmiləri regional tərəfdaşlıqlar və iqtisadi əməkdaşlıq məsələlərini müzakirə etmək üçün bir araya gəlmişdilər.
-
İran Prezidenti Məsud Pezeşkian cümə axşamı günü verdiyi bəyanatında, İsrailin istənilən hərbi əməliyyatına və ya İranın müəyyənləşdirdiyi "qırmızı xətləri"nin pozulmasına qarşı güclü bir cavab veriləcəyini bildirdi. Bu açıqlama, İranın İsraili hədəf alan son raket zərbələri dalğasından sonra artan gərginlik fonunda verilib.
-
Ukrayna silahlı qüvvələri gecə qırıcı-bombardmançı təyyarələrin və onların yüksək dağıdıcılıq gücünə malik bombalarının saxlandığı Rusiya bazasına zərbələr endirmək üçün uzaqmənzilli dronlardan istifadə edib.
Rəy yaz