General İ.Başbuğ: Həbsdəki hərbçilərin azadlığı üçün mübarizə edəcəyəm

İki il iki ay həbsdə saxlanılan Türkiyə ordusu Baş Qərarhagının keçmiş rəisi orgeneral İlker Başbuğ İstanbul 20-ci ağır Cəza Məhkəməsinin qəraraı ilə dünən axşam saatlarında sərbəst buraxılıb.

Məhkəmə qərarı ilə İ.Başbuğa ölkəni tərk etmək yasağı tətbiq edilir.

“Bizi nifrət və intiqam hisslərilə hərəkət edənlər bu həbsxanada 26 saxladı, mənim həyatımın 26 ayını oğurladılar, məni 26 ay azadlığımdan etdilər. Amma dediyim kimi uca türk milləti oynana oyunu pozdu”-deyə İ.Başbuğ həbsdə saxlanmasına toxunub. İ.Bşabuğ bütün bu olanlara baxmayaraq içində kiməsə nifrət və ya intiqam daşımadığını vurğulayıb. Həbsdə olan günahsız bütün hərbçilərin ancaq ədalət istədiklərini deyən İ.Başbuğ hərbçilər uğrunda bu yolda mübarizəsini davam etdirəcəyini söyləyib.

Həbsdən azad edilməsini hazırda həbsxanalarda olan günahsız digər hərbçilərin də tezliklə azadlığa çıxacaqlarına bir başlanğıc sayyan general bu olmadığı halda özünün azadlığa buraxılmasının bir məna daşımamasına diqqət çəkib.

“İmraniyədə tapılan bir əl bombasınagörə “Ergenekon Teror təşkilatı” layihəsini kimlərin planlaşdırdığını aşkar etmək lazımdır. Bu layihələri yaradanlar ədalət məhkəməsinin önünə çıxmalıdırlar”-deyə İ.Başbuğ illər arxasında qalan məsələyə də toxunub.İ.Başbuğ xəstə olmalarına baxmayaraq həbsdə olan hərbçilərin azad olunmamasına görə hakimləri vicdansızlıqda ittiham edib.

“Son olaraq bunları söyləyirəm ki, Türkiyə dövləti tarixinin ən kritik dönəmini yaşayır. Xüsusilə məhkəmə sistemində yalnız bir Konstitusiya Məhkəməsi qurumu Ana qalıb. İnanmaq istəyirəm ki, Konstitusiya Məhkəməsi bu günə iimi qəul etdiyi doğru qərarları da bundan sonra da bacarıqla davm etdirməklə Türkiyənin demokratikləşməsində ən önəmli rol oynayacaq”-deyə general ölkədəki ictimai-siyasi duruma qiymət verib.

Xatırladaq ki, 2000-ci illərin əvvəllərində hakimiyətə gələn Ərdoğan hökuməti “Ergenekon” və “Balyoz” kod adları altında keçirdiyi əməliyyatlarda aralarında generellara da olmaqla çoxsaylı hərbçiləri həbsə aldı. Bu hərbçilər dövlət çevrilişi hazırlamaq, məscidləri bombalamaq, terror təşklastları yaratmaq və s. kimi ağır cinayətlərdə ititham olunudlar. Bir çox hərbçilər bu ittihamları şəxsiyyətlərinə təhqir sayaraq özləırni güllələməklə intihar etdilər.

İttiham olunanlardan biri də Türkiyə Baş Qərargahının keçmiş rəisi İlker Başbuğ idi. 26 ay həbsdə saxlandıqdan sonra ittiham sübut olunmadığı üçün sərbəst buraxıldı.-05D-