İranlılara ölkənin cənub-şərqində baş verən daşqın səbəbindən sərbəst gəzən timsahlardan ehtiyatlı olmaları tövsiyə olunub

CNN:  İran hakimiyyəti xəbərdarlıq edib ki, ölkənin cənub-şərqində baş verən daşqınlar nəticəsində timsahlar təbii yaşayış yerlərini tərk etməyə məcbur olurlar.

İranın dövlət xəbər agentliyi İRNA cümə axşamı Yaxın Şərqdə rekord gücdə olan fırtınadan sonra daşqın nəticəsində üç yol işçisinin həlak olduğunu bildirib.

Yarımrəsmi Mehr News xəbər agentliyinin məlumatına görə, çərşənbə günü İranın Bəndər-Abbas, Kirman, Sistan və Bəlucistan əyalətlərində güclü leysan və sonradan daşqınlar baş verib.

Agentlik bildirir ki, çaylar sahillərindən daşıb, bəndlər sıradan çıxıb və ciddi maddi ziyana səbəb olub. Dövlət xəbər mediası IRNA və Tasnim tərəfindən yayımlanan videolarda geniş miqyaslı daşqın nümayiş etdirilib, insanlar başqalarını xilas etmək üçün qayıqlardan istifadə edir.

Cümə axşamı yerli Kİv-lər bildirib ki, Sistan və Bəlucistanın Ətraf Mühit Nazirliyi isə "qısa burunlu timsahların" təbii yaşayış yerlərindən sıxışdırıldığına dair narahatlığını ifadə edərək xəbərdarlıq edib.

Sakinlərə daşqın suları tamamilə azalana və şərait sabitləşənə qədər Bahu Kalat çayının sahillərinə, bataqlıq ərazilərə, vəhşi təbiətin məskunlaşdığı ərazilərə lazımsız səyahətlərdən çəkinmələri tövsiyə olunub.

Bu arada İran Qızıl Aypara Cəmiyyəti ölkənin cənub-şərqində yolda su altında qalan iki avtobusdan 43 sərnişini xilas edib.

Birləşmiş Ərəb Əmirlikləri və Oman da daxil olmaqla, region ölkələrinə təsir edən qasırğa İrana çərşənbə axşamı axşamdan çərşənbə günü çatıb.

Hava limanındakı meteoroloji müşahidələrə görə, Bu həftə BƏƏ 75 ilin ən güclü yağışı yağıb:  çərşənbə axşamı, cəmi 12 saat ərzində yüz millimetr (demək olar ki, 4 düym) yağıntı olub.

Məşhur turizm məkanı Dubayda uçuşlar ləğv edilib, nəqliyyatın hərəkəti dayandırılıb və məktəblər bağlanıb.

Hava şəraiti Ərəbistan yarımadasını və Oman körfəzini keçən daha böyük fırtına sistemi ilə bağlı idi. Eyni sistem qonşu Oman və İranın cənub-şərqinə də qeyri-adi rütubətli hava gətirib.

Ölkənin Milli Fövqəladə Hallar Komitəsi bildirib ki, Omanda güclü yağışların səbəb olduğu daşqınlar azı 18 nəfərin həyatına son qoyub.

Omanın dövlət xəbər agentliyinin məlumatına görə, zərərəkənlər arasında məktəblilər də var.