Dövlət qurumları Qarabağla bağlı feyklər üçün imtiyazlı şərait yaradır

"Azad edilmiş ərazilərdə tarix və mədəniyyət abidələrinin qorunması" təşkilatının sədri Faiq İsmayılov Turan-ın müxbiri ilə söhbətində Avropanın Caucasus Heritage Watch təşkilatına istinadla Şuşadakı erməni kilsəsinin "yer üzündən silindiyini" iddia edən Ermənistan KİV-lərinin iddialarını təkzib edib. 

https://www.aysor.am/ru/news/2024/04/18/%D0%B2%D0%B0%D0%BD%D0%B4%D0%B0%D0%BB%D0%B8%D0%B7%D0%BC/2262085

Şuşadakı iki kilsədən tikinti tarixinə görə birincisi - "Kanaç jam", - o, eyni zamanda "Surb Ovanes Mkrtiç", Yaşıl Kilsə adlanır, çar Rusiyası dövründə isə "İoann Krestitel" rus pravoslav kilsəsi olub, - hazırda Şuşa şəhərinin yuxarı hissəsində yerləşir, orada bərpa işləri aparılır, deyə F.İsmayılov bildirib. Azərbaycan Milli Elmlər Akademiyasının Tarix İnstitutunun əməkdaşı Faiq İsmayılov şəhər azad edildikdən sonra bir neçə dəfə Şuşada olub, sonuncu dəfə 2023-cü ilin payızında buraya səfər edib. F.İsmayılov "İşğal illərində Şuşa şəhərinin maddi-mədəni irsinə vurulmuş ziyanın öyrənilməsi" qrant layihəsini həyata keçirirdi.

Caucasus Heritage Watch saytında yerləşdirilmiş və guya Yaşıl Kilsənin yerində boş meydançanı göstərən peyk fotoşəklinə nəzər salan ekspert erməniyönlü təşkilatların anti-Azərbaycan təbliğatı məqsədilə feyk yaydığı haqqında nəticəyə gəlib.

Maraqlıdır ki, 18 aprel tarixli 118 illik "Kanaç Jamın məhv edilməsi" haqqında məlumat bu silsilədə ilk xəbər deyil. 2022-ci ildə erməni saytları tərəfindən bu kilsə ikinci dəfə "tamamilə məhv edilmişdi", ilk dəfə isə 2021-ci ildə "yer üzündən silinmişdi". 

https://artsakhpress.am/rus/news/166070/nakhodyashchayasya-v-shushi-cerkov-kanach-zham-polnostyu-razrushena-azerbaiydzhancami-sluzhba-po-okhrane-istoricheskoiy-srediy-arcakha-bet-trevogu.html

Azərbaycan mətbuatında bu kilsə haqqında sonuncu məqalə 15 yanvar 2024-cü il tarixində Adalet saytında dərc olunub. Elə oradaca  "Yaşıl kilsənin" fotoşəkli yerləşdirilib, şəkildən binada bərpa işlərinin aparıldığı görünür.

https://www.adalet.az/az/posts/detail/susadaki-rus-kilsesinin-ogrularinin-qabaqdangelmisliyi-yasil-gunbezli-kilse-1705306769

"Biz bütün dini kilsələrə həssas yanaşırıq və onları bərpa edirik. Bu, Azərbaycan xalqının tolerantlığının əyani təzahürüdür. Azərbaycanın erməni işğalından azad edilmiş Şuşa şəhərində Qazançı kilsəsinin və "İoann Krestitel" rus pravoslav kilsəsinin bərpası işləri davam etdirilir, bu barədə 2022-ci ilin noyabrında Azərbaycanın Dini Qurumlarla İş üzrə Dövlət Komitəsinin sədrinin birinci müavini Səyad Salahlı bildirmişdi.

Şuşa şəhərinin və Qarabağ iqtisadi rayonunun administrasiyası mətbuat üçün əlçatmazdır, Şuşa Tarix-Memarlıq Qoruğunun telefon zənglərinə cavab verən əməkdaşı isə ermənilərin iddialarına cavab verməkdən imtina edib, Turan-a onlara yazılı şəkildə müraciət etməyi təklif edib.

Təəssüf ki, Azərbaycan idarələri Ermənistan tərəfin iddialarına operativ reaksiya verməkdən imtina edir, bununla da çoxsaylı feylərin ifşasından yayınır. İdarələr Azərbaycan mətbuatı ilə əməkdaşlıq etmir, baxmayaraq ki, dezinformasiiyanı zərərsizləşdirmək məqsədilə Şuşaya, Xankəndinə və Qarabağın digər şəhərlərinə mətbuat turları təşkil edə bilərdi. 

Caucasus Heritage Watch təşkilatı Kornell Universitetinin (ABŞ) və Paris Universitetinin əməkdaşları tərəfindən yaradılıb. Təsisçiləri Lori Xaçaturyan, Adam Smit, Yan Lindsi, Husik Qulyan, Salpi Boçieryandır.