Serjik Ermənistanın ən böyük biznesmenini həbs etməyi qərara alıb
Yerevan/13.02.15/Turan-Armİnfo: Ermənistan prezidenti Serj Sarkisyan dünən axşam hakim Respublika Partiyası Şurasının iclasında “Çiçəklənən Ermənistan” partiyasının lideri Qagik Tsarukyanı kəskin tənqidə məruz qoyub, onu “siyasi kloun”, tərəfdarlarının və ya digər siyasi qüvvələrin nümayəndələrinin diqtə etdiyi öz bəyanatlarının və əməllərinin mahiyyətini başa düşməyən kəmsavad feodal adlandırıb.
Tsarukyanı Ermənistanın siyasi səhnəsində “şər” adlandıran Sarkisyan bildirib ki, bundan sonra bu vəziyyətə dözmək niyyətində deyil və bu şərin kökünü kəsməyin vaxtı çatıb. Bununla əlaqədar olaraq prezident bildirib ki, Tsarukyanı Milli Təhlükəsizlik Şurasının tərkibindən çıxarmaq niyyətindədir. “Ölkə təhlükəsizliyini təmin edən ali orqan kinoteatr deyil ki, istədiyin zaman gəlib-gedəsən”, deyə dövlət başçısı qeyd edib.
Daha sonra Sarkisyan respublikaçı deputatlara Milli Məclis sessiyalarını buraxması ilə əlaqədar Tsarukyanın mandatdan məhrum edilməsi prosesinə başlamağı tapşırıb. “Tsarukyan 2013-2014-cü illərdə parlamentin 145 iclasından cəmi 4-də iştirak edib, o, öz seçicilərinə belə etinasızlıq edirsə, biz etmirik. Bizim üçün hər bir seçici vacibdir, buna görə elə sabah deputatlarımız işlərin belə absurd vəziyyətinə son qoymaq üçün müvafiq proseduru başladacaqlar”, deyə Sarkisyan bildirib.
Daha sonra o, Tsarukyanın kölgə iqtisadiyyatı fəaliyyətinə toxunub: “Uzun illərdir Tsarukyanın milyonlarla dolları vergidən gizlətməsi ilə bağlı səslənən ittihamlar açıq olaraq qalır. Bütün bunları o, “xeyriyyəçilik” adı ilə edir, xalqa gizlətdiyi böyük vəsaitin yalnız qırıntılarını verir. Bununla əlaqədar baş nazirə bu ittihamların həqiqiliyini ətraflı yoxlamağı və nəticələrini ictimai şəkildə xalqa bildirməyi tapşırıram”.
Prezidentin sözlərinə görə, Tsarukyanın peşəkar cinayət mexanizmləri yaratması haqqında şaiyələr də yoxlanılmamış qalır. “Sabah Milli Təhlükəsizlik Şurasının iclasını çağıracağam, iclasda hüquq mühafizəçiləri ilə birlikdə bu məlumatla bağlı nə edəcəyimizə qərar verəcəyik”, deyə Sarkisyan qeyd edib.
Prezident üstüörtülü bildirib ki, Qagik Tsarukyana qarşı bir Ermənistan vətəndaşı, bir sahibkar olaraq heç bir etirazım yoxdur, amma əlbəttə ki, onun qanunla bağlı problemləri haqqında şaiyələr özünü doğrutlmazsa.
Bu gün Tsarukyanın öz partiyası rəhbərliyinin qapalı iclasını keçirəcəyi, Sarkisyana cavab verəcəyi gözlənilir. -02D-
-
- İqtisadiyyat
- 13 Fevral 2015 10:47
-
- İqtisadiyyat
- 13 Fevral 2015 11:34
Dünyada
-
PARİS, 26 iyul (Reuters) – Fransanın prezidenti Emmanuel Makron cümə günü idmançıların Sen boyunca alqışlandığı, rəqqasların Parisin damlarına çıxdığı və Ledi Qaqanın Fransız kabare mahnısını oxuduğu yağışlı mərasimdən sonra Olimpiya Oyunlarını açıq elan etdi.
-
Olimpiadanın açılışına bir neçə saat qalmış Fransanın dəmir yolu şəbəkəsində diversiya olub. Böyük miqyaslı fasilələr 800 min sərnişinə təsir edir, Londondan Parisə Eurostar qatarlarında səyahət vaxtı artacaq.
-
Trampın Ukraynaya Amerika silahlarını almaq üçün lazım olan qədər pul vermək və onların istifadəsinə qoyulan bütün məhdudiyyətləri aradan qaldırmaq imkanı olacaq, Pompeo xəbərdarlıq edib. Moskva Qərbin bu cür hərəkətlərinə cavab vəd edib.
-
Cümə axşamı Filippin sahillərində sənaye yanacağı daşıyan dəniz tankeri batması bir ekipaj üzvünün ölməsinə və neftin dağılmasına səbəb olub, neft paytaxt Manila yaxınlarında sulara yayıla bilər, bu barədə rəsmi şəxslər məlumat verib.
Rəy yaz