Türkiyə İŞİD və PKK təhdidi altında
“İraq-Şam islam Dövləti” (İŞİD) terror qruplaşması Türkiyəni öz tvitter hesabında təhdidə məruz qoyub.
Terror qruplaşması Türkiyəni İŞİD-ə qarşı ABŞ-ın qurduğu koalisiyada yer aldığına görə təhdid edir. “Türkiyədə minlərlə yatmış hücrələrimiz var və Türkiyə “səlib yürüş”lərində yer almasının əvəzini ağır şəkildə ödəyəcək”, - İŞİD hədə-qorxu gəlir.
İŞİD həm də Türkiyə parlamentinin Suriya və İraqda əməliyyat aparılması haqda qəbul etdiyi qanuna etirazını bildirir. Terror qruplaşması özünü “islam dövləti” adlandıraraq Türkiyəyə bu “dövlət”lə savaşa girdikdə toxunulmaz qalacağına əmin olmaması, cavablarının çox sərt olacağı barədə xəbərdarlıq edir.
Türkiyə xəbər saytları cümə axşamı səhər saatlarında İŞİD-in yenidən Kobaniyə ağır silahlar və tanklarla hücuma başlayaraq iki məhəlləni ələ keçirdiklərini bildirirlər. Bu döyüşlərin Türkiyə sərhədlərində açıq şəkildə göründüyü qeyd edilir. Kobani döyüşlərində 400-dən çox kürd yaraqlısı həlak olub, şəhərin 170 mindən çox sakini Türkiyəyə sığınıb.
Türkiyənin kürdlər yaşayan məntəqələrində İŞİD-ə qarşı etiraz aksiyalarında ölənlərə gəlincə, Diyarbəkr valisi Hüseyn Aksoy bu ölümlərdə polisin rolunun olmadığını bildirib. Ölümə səbəb kimi PKK terror qruplaşması ilə HDP qurumları arasında silahlı toqquşmanı göstərib. H.Aksoy bu toqquşmalar nəticəsində 10 nəfərin öldüyünü, 29 nəfərin yaralanaraq xəstəxanalara yerləşdirildiyini söyləyib.
İstər polis, istərsə də əsgərlər bu toqquşmaların qarşısını almağa çalışsalar buna tam şəkildə nail olmayıblar.
Türkiyənin kürdlər yaşayan məntəqələrindəki durumu müzakirə etmək üçün hazırda HDP həmsədrləri Selhaeddin Demirtaş və Figen Yüksəkdağ Ankarada hökumət nümayəndələrilə görüş keçirirlər.-05D-
-
- Cəmiyyət
- 9 Oktyabr 2014 13:30
-
- İqtisadiyyat
- 9 Oktyabr 2014 14:03
Dünyada
-
Ukrayna prezidenti Vladimir Zelenski bazar günü bildirib ki, Rusiyada saxlanılan ukraynalı hərbi əsirlərin qaytarılması qarşılığında Şimali Koreya əsgərlərini Pxenyana təhvil verməyə hazırdır.
-
ABŞ-ın seçilmiş prezidenti Donald Tramp və Rusiya prezidenti Vladimir Putinin yaxın günlərdə və ya həftələrdə telefon danışığı aparacağı gözlənilir, deyə Trampın yüksək vəzifəli müşaviri bildirib və qeyd edib ki, Rusiya əsgərlərinin Ukrayna ərazisinin hər qarışından çıxarılmasını gözləmək real deyil.
-
ABŞ-ın yeni seçilmiş prezidenti Donald Tramp ilə Rusiya prezidenti Vladimir Putin arasında telefon danışığı yaxın günlərdə və ya həftələrdə baş tuta bilər. Bu barədə Trampın milli təhlükəsizlik üzrə müşavir postuna namizəd göstərdiyi konqresmen Mayk Volts çərşənbə günü ABC News-a açıqlama verib.
-
Avropa İttifaqının Aviasiya Təhlükəsizliyi Agentliyi (EASA) cümə axşamı yeni xəbərdarlıq yayıb. Bu xəbərdarlıqda qeyri-avropalı hava daşıyıcılarına Rusiyanın qərb hissəsinin hava məkanında uçuşlardan çəkinmək tövsiyə olunur, çünki bu ərazidə onun hava hücumundan müdafiə sistemlərinin təsadüfi atəş riski mövcuddur.
Rəy yaz