Türkiyədə bələdiyyə seçkisinin qeyri-rəsmi ilk nəticələri alındı

Turan informasiya agentliyinin məlumatına görə, Türkiyədə martın 31-də keçirilən bələdiyyə seçkisinin ilk nəticələri elan edilib.Anadolu Agentliyinin seçki məntəqələrindən əldə edərək media qurumlarına göndərdiyi məlumata görə,iqtidardakı Adalet ve Kalkınma Partiyası (AKP) ölkədəki 30 metropol bələdiyyəsinin 20-də,51 vilayət bələdiyyəsinin isə 24-də qalib gəlib.Ana müxalifətdəki Cumhuriyet Halk Partiyası (CHP) 20, iqtidarı dəstəkləyən Milliyetçi Hareket Partiyası (MHP) 14,kürd təmayüllü Halkların Demokratik Partiyası 8, Türkiyə Kommunist Partiyası 1 bələdiyədə qalib gələrkən Bolqarıstan sərhədindəki Kırklareli bələdiyyəsinin sədrliyinə isə müstəqil namizəd seçilib.Seçkinin qeyri-rəsmi nəticəsinə görə,AKP 44.42;, CHP 30.7%,İyi Partiya 7.46%, MHP isə 7.25% səs alıb.

Böyük siyasi partiyalar 31 martdakı bələdiyyə seçkisinə ittifaqlar yaradaraq gedib.Qeyri-rəsmi ilk nəticələrin açıqlanmasından sonra iqtidardakı Adalet ve Kalkınma Partiyasının (AKP) 9 ay əvvəlki prezident və parlament seçkisindəki reytinqini müəyyən qədər aşağı düşdüyü məlum olub.CHP isə 9 ayəvvəlki seçkilərlə müqayisədə reytinqini 8.5% artırıb.Siyasi müşahidəçilər AKP-nin reytinqinin aşağı düşməsinin səbəbləri kimi "İqtisadiyyatda yaranmış anormal vəziyyət və prezident Erdoğanın qütbləşdirici və təzyiqçi çıxışlarına cəmiyyətin verdiyi əks reaksiya" olduğunu göstəriblər.Prezident Erdoğan isə seçkidən sonrakı çıxışlarında təbliğat dövründəki "ölüm-qalım" jarqonunun, xüsusilə, Cənubi-Şərq bölgələrindəki seçicilər tərəfindən düz başa düşüldüyünü vurğulayıb.Səs reytinqinin aşağı düşməsinə baxmayaraq,MHP əvvəlki seçki ilə müqayisədə daha çox bələdiyyədə qalib gəlib.

Son illərdəki seçkilərdə olduğu kimi, 31 martdakı bələdiyyə seçkisində də qeyri-rəsmi ilk nəticələri Anadolu Agentliyi mediaya təqdim edib."Millət ittifaqı"na daxil olan müxalif partiyaların iddiasına görə,agentlik əvvəlcə iqtidar partiyasının güclü olduğu bölgələrdən məlumatlar göndərərək AKP-yə psixoloji üstünlük qazandırmağa çalışıb."Millət ittifaqı"nın İstanbul metropol bələdiyyə sədrliyinə namizədi Ekrem İmamoğlu ilk nəticələrin açıqlanmasından qısa müddət sonra Anadolu Agentliyinə və Yüksək Seçki Şurasına xəbərdarlıq edərək onları öz vəzifələrini dəqiq şəkildə yerinə yetirməyə çağırıb.Ekrem İmamoğlu bu müraciətini daha sonra gecə uzunu 9 dəfə təkrarlayıb. "Cumhur ittifaqı"nın namizədi Binali Yıldırım ilə "Millət ittifaqı"nın namizədi Ekrem İmamoğlu arasındakı səs fərqi təxminən sıfıra düşüb. Son seçki qutularından gələn nəticələrin İmamoğlunu qabağa keçirməsi gözlənilirkən Anadolu Agentliyi məlumatları media ilə bölüşməyi dayandırıb.Aprelin 1-də saat 9-a qədər Anadolu Agentliyi İstanbuldan son məlumatları mediaya göndərməyi dayandırmışdı.Məlumatların bölüşdürülməsinin başa çatması ərəfəsində "Cumhur ittifaqı"nın namizədi Binali Yıldırım media qısa açıqlama verərək İstanbul metropol bələdiyyə sədrliyinə seçildiyini deyib.Daha sonra İstanbulda çıxış edən AKP lideri və prezident Recep Tayyip Erdoğan partiyasının namizədinin seçilməsiylə bağlı heç nə deməyib.Ankarada partiyasının tərəfdarlarının qabağında çıxış edən prezident Erdoğan, seçkinin nəticələrindən lazımi dərsləri çıxaracaqlarını,bundan sonra əsas vəzifələrinin islahat paketlərinin həyata keçirilməsi olduğunu vurğulayıb.Prezident Erdoğan Ankaradakı çıxışında ölkə miqyasında seçkidən birinci yerdə çıxdıqlarını bildirsə də Ankara və İstanbulda seçkinin nəticələri barədə heç bir məlumat verməyib.Recep Tayyip Erdoğan bundan sonra da MHP ilə ittifaqı davam etdirəcəklədini vurğulayıb.Ana müxaifətdəki CHP-nin lideri Kemal Kılıçdaroğlu partiyanın baş qərargahının qabağında çıxış edərək fasiləsiz şəkildə yola davam edəcəklərini vurğulayıb.Kemal Kılıçdaroğlu partiyanın Mərkəzi Qərar və İcra Şurasının bir neçə üzvünün təcili İstanbula yola düşdüyünü açıqlayıb.İyi Partiyanın lideri Meral Akşener də partiyasının mərkəzi qərargahındakı çıxışında seçiciləri soyuqqanlı hərəkət etməyə çağırıb.Keçmiş daxili işlər naziri və Məclisin keçmiş vitse-spikeri Akşener prezient Erdoğana müraciət edərək ölkədəki təzyiqi aşağı salmaq üçün onu öz üslubunu dəyişdirməyə çağırıb.Son illərdə keçirilən seçkilərdə olduğu kimi, AKP Qara dəniz, Orta Anadolu və bəzi Şərqi Anadolu bölgələrindəki reytinqini qoruyub.CHP isə Trakya,Egey və Aralıq dənizi bölgələrindən başqa Şimali-Şərqdəki Artvin və Ardahan,Cənubdakı Adana,Mersin,Antalya bölgələrində qalib gəlməyi bacarıb.Siyasi müşahidəçilər "Millət ittifaqı"nın və CHP-nin qalib gəldiyi yerlərdə kürd mənşəli seçicilərin səslərinin həlledici rol oynadığını bildiriblər. Kürd təmayüllü Halkların Demokratik Partiyasının ənənəvi şəkildə qələbə qazandığı Cənubi-Şərq bölgəsinin Şırnak vilayətində AKP qələbə qazanıb.Diyarbakır,Van,Hakkari və b. vilayətlərdə HDP-nin göstərdiyi namizədlər bələdiyyə sədri seçiliblər.

Türkiyə tarixində ilk dəfə Kommunist Partiyasının namizədi bir vilayət bələdiyyəsinin sədrliyinə seçilə bilib.Belə ki, Tunceli vilayətinə bağlı Ovacık rayonunun keçmiş bələdiyyə sədri Mehmet Fatih Maçoğlu Tunceli vilayət bələdiyyəsinin sədri seçilib.Ovacık rayonunda yaratdığı kənd təsərrüfatı kooperativləri ilə məşhurlaşan Fatih Maçoğlu eyni aqrar modellərini Tunceli vilayətində də tətbiq edəcəyini deyib.

Yüksək Seçki Şurası seçki məntəqələrindən gələn səsləri hesablayandan sonra nəticələr barədə rəsmi məlumat verəcək.Şuranın sədri Sadi Güven martın 31-də gecə verdiyi açıqlamada hər şeyin demokratik atmosferdə cərəyan etdiyini, seçkinin rəsmi nəticələrinin bir neçə gün içində elan ediləcəyini bildirib.Nəticələri ləğv edilən dairələrdə iyunun 2-də yenidən seçki keçiriləcək.

Anadolu Agentliyinin seçkinin nəticələrini mediaya göndərməyi uzun müddət gecikdirməsindən sonra kameraların qabağına keçən "Millət ittifaqı"nın namizədi Ekrem İmamoğlu məntəqələrdən gələn nəticələrə əsasən rəqibi Binali Yıldırımdan 30 min səs qabaqda olduğunu , bu fərqi aradan qaldırmaq mümkün olmadığını görə İstanbul bələdiyyəsinin sədri seçildiyini açıqlayıb.Ekrem İmamoğlu "Millət ittifaqı"nın seçkiyə cavabdeh şəxslərinin seçki məntəqələrindən uzaqlaşmamalarını xahiş edərək yaxın günlərdə vəzifəsini icra etməyə başlayacağını bildirib.Anadolu Agentliyinin səhərə qədər məlumat bölüşməməyə davam etməsindən sonra Ekrem İmamoğlu səhər saatlarında yeni açıqlama verərək "Seçkidə qalib gəldiyini və hamını seçki şuralarına dəvət etdiyini" bildirib.AKP İstanbul vilayət təşkilatının sədri Bayram Şenocak "İstanbulda 3870 səslə qalib gəldiklərini ancaq hüquqi qüvvəsi olmayan 290 min bülletenə etiraz edəcəklərini" deyib.Yüksək Seçki Şurası isə ilk nəticələrlə bağlı, hələ ki, heç bir rəsmi açıqlama verməyib.