Bakı/27.04.18/Turan: SOCAR Azərbaycan Dövlət Neft Şirkəti və BP aprelin 26-da Xəzərin Azərbaycan sektorunun şimal hissəsində D230 perspektiv blokunun birgə kəşfiyyatı ilə bağlı pay bölgüsü haqqında saziş (PSA) imzalayıb.
Saziş Londonda SOCAR prezidenti Rövnəq Abdullayev və BP-nin baş icraçı direktoru Robert Dadli tərəfindən Azərbaycan prezidenti İlham Əliyevin və Böyük Britaniyanın baş naziri Tereza Meyin iştirakı ilə imzalanıb.
Sazişdə tərəflərin hər birinin pay iştirakı 50%-dir.
Britaniya tərəfi layihə üzrə ilkin iş proqramının həyata keçirilməsi zamanı operator funksiyasını yerinə yetirəcək.
"Biz 20 ildən çoxdur bu regionda işləyirik və inanırıq ki, burada əhəmiyyətli neft və qaz ehtiyatları var. SOCAR və digər tərəfdaşlarımızla birgə geoloji-kəşfiyyat işləri həyata keçirərək, Azərbaycanda biznesimizi genişləndirəcəyik", deyə BP-Azərbaycan-ın press-relizində Dadlidən sitat gətirilir.
Bir müddət əvvəl xəbər verildiyi kimi, SOCAR və BP 2016-cı ilin mayında Şimali Abşeronda D230 blokunda birgə geoloji kəşfiyyat işləri haqqında Niyyət Memorandumu imzalamışdı.
Sözügedən blokda suyun dərinliyi 150 metrdən 700 metrə qədər dəyişir, məhsuldar layların dərinliyi 3000-5000 metr təşkil edir.
D230 blokunda əvvəllər heç bir iş aparılmayıb. -06D-
Enerji
-
Keçən il Dubayda keçirilmiş qlobal iqlim sammitində razılaşdırılan əsas bərpa olunan enerji hədəflərinə nail olmaq, dünya növbəti altı il ərzində $30 trilyondan çox sərmayə yatırmasa, əlçatmaz bir xəyala çevriləcək.
-
Hazırda Azərbaycanın daxili bazarı hələ də Euro-2 standartına uyğun dizel yanacağı ilə təchiz olunur, bu barədə neft və neft məhsulları bazarının təhlilində ixtisaslaşmış beynəlxalq agentlik "Argus"un oktyabr hesabatında qeyd olunur. Diqqətəlayiqdir ki, iyunun əvvəlində Bakı Neft Həftəsi sərgisində Azərbaycan Dövlət Neft Şirkəti (SOCAR) 2023-cü ildə Euro-5 keyfiyyətli dizel yanacağı istehsalına başladığını nümayiş etdirmişdi. Lakin sonradan məlum oldu ki, bu keyfiyyətdə olan neft məhsulu ixrac olunur və daxili bazara təchizat daha sonra başlayacaq.
-
İki gün davam edən güclü qardan sonra Lənkəran, Astara, Masallı, Lerik və Yardımlı rayonlarında elektrik enerjisinin verilməsində ciddi fasilələr yaranıb, nəticədə bu bölgələrin 80%-dən çoxu elektriksiz qalıb.
-
Beynəlxalq Enerji Agentliyi (IEA) Cümə axşamı günü 2023-cü ilin dörddə bir əsrdə dünyanın ən sürətli bərpa olunan enerji sektorunun genişləndiyini elan etdi.
Rəy yaz