Dövlət başçısı 2014-cü ilin dövlət büdcəsindəki Ehtiyat Fondundan artezian quyularının qazılması üçün 21,5 mln manat ayırıb. Cari ildə bu, ikinci belə qərardır.
Sənədə əsasən, 34 şəhər və rayonun 241 yaşayış məntəqəsində 300 subartezian quyusunun layihələndirilməsi və qazılması məqsədi ilə Meliorasiya və Su Təsərrüfatı Açıq Səhmdar Cəmiyyətinə 19,5 milyon manat, Naxçıvan Muxtar Respublikasına 2 milyon manat ayrılır. Naxçıvanda nə qədər quyu qazılacağı bildirilmir. Bu sudan əkin sahələrinin və əkin üçün istifadə olunan həyətyanı torpaq sahələrinin suvarma suyu ilə təminatının yaxşılaşdırılması üçün istifadə ediləcək.
Xatırladaq ki, bu ilin yanvarında 223 yaşayış məntəqəsində 250 artezian quyusunun qazılması üçün 15 mln manat ayrılıb. 2013-cü ildə dövlət büdcəsindən 104 kənd və qəsəbədə 107 quyu qazılması üçün vəsait ayrılmışdı.
Ekspertlər hesab edir ki, bu məqsədlə vəsait dövlət başçısının sərəncamı ilə ayrılmamalı, investisiya proqramında nəzərdə tutulmalıdır. 08B
İqtisadiyyat
-
Şimali Makedoniya Prezidenti Gordana Silyanovska-Davkova Bakıya səfəri çərçivəsində Azərbaycan Dövlət Neft Şirkəti SOCAR və Şimali Makedoniyanın ECM şirkəti cümə axşamı əməkdaşlıq haqqında memorandum imzaladılar, Turan-a məlumatlı mənbə bildirdi.
-
Bugünlərdə Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyası (COP29) çərçivəsində "Pambıqdan geyimə dəyər zəncirinin karbonsuzlaşdırılması və iqlimə uyğunlaşdırılması" mövzusunda müzakirələr keçirilib. Orada digər məsələlərlə yanaşı, Azərbaycanda pambıqçılığın vəziyyəti də müzakirə olunub.
-
Azərbaycan, inkişaf edən və inkişaf etmiş ölkələrdən, habelə azı 10 ölkənin dövlət və özəl sektor nümayəndələrindən, ümumi büdcəsi 1 milyard ABŞ dolları olan İqlim Maliyyə Fəaliyyət Fondu (CFAF) üzrə səhmdar kimi iştirakla bağlı əhəmiyyətli maraq cəlb edib. CFAF Azərbaycanın COP29-da təqdim etdiyi 14 əsas təşəbbüsdən biridir, bunu Azərbaycan Respublikasının COP29 üzrə baş danışıqlar aparıcısı və xarici işlər nazirinin müavini Yalçın Rəfiyev çərşənbə axşamı mətbuat konfransında bildirib.
-
Azərbaycan hökuməti OPEC Fonduna bir sıra bərpa olunan enerji layihələrinin, o cümlədən dəniz külək enerjisinin inkişafı, "yaşıl enerji dəhlizi" təşəbbüsləri və SOCAR-ın Birləşmiş Ərəb Əmirliklərindən Masdar şirkəti ilə birgə həyata keçirməyi planlaşdırdığı 1 QVt gücündə layihənin maliyyələşdirilməsində iştirak etməyi təklif edib.
Rəy yaz