İlin sonuna kimi Bakı-Tbilisi-Qars yolunun Gürcüstan hissəsində tikinti işləri başa çatacaq, deyə nəqliyyat naziri Ziya Məmmədov bu gün Azərbaycan və Gürcüstan nümayəndə heyətlərinin iştirakı ilə Bakı-Tbilisi-Qars (BTQ) dəmir yolu layihəsinin Əlaqələndirmə Şurasının 20-ci iclasının yekunu ilə bağlı bildirib.
«Dəmir yolunun Gürcüstan hissəsində Türkiyə sərhədinədək çəkilməli olan 20 kilometrdən bir qədər çox məsafə qalıb. Bu hissənin tamamlanması üçün elə də ciddi problem yoxdur. “Hazırda reyslərin düzülməsi üçün işlər aparılır. Oktyabr ayında həmin hissənin tikintisi tamamlanacaq», - deyə Məmmədov bildirib. İlin sonuna kimi Axalkalaki stansiyasında tikinti işləri başa çatacaq.
Nəqliyyat naziri bildirib ki, ümumiyyətlə, gələn il Türkiyə ərazisində də tamamlama işləri həyata keçiriləcək və beləliklə, BTQ dəmir yolu istismara tam hazır olacaq. Əvvəllər bildirildiyi kimi, 2014-cü ilin oktyabrında ilk qatarın test buraxılışı olacaq.
BTQ-nin yaradılması barədə hökumətlərarası saziş 2007-ci ildə bağlanılıb. Layihə 98 km uzunluğunda Qars-Axalkalaki dəmir yolunun çəkilişini, Gürcüstanda 183 km yolun yenidən qurulmasını nəzərdə tutur.
Gürcüstan hissəsinin tikintisini Azərbaycan maliyyələşdirir. Bu məqsədlə Gürcüstana $775 mln güzəştli kredit ayrılıb.–17С—
İqtisadiyyat
-
Azərbaycanın ümumi daxili məhsulu (ÜDM) 2024-cü ildə 126,3 milyard manat təşkil edərək, əvvəlki illə müqayisədə 3 milyard manat və ya 2,4% artım göstərib. Bu barədə məlumat Dövlət Statistika Komitəsi tərəfindən açıqlanıb. 2023-cü ildə nominal ÜDM 123 milyard manat səviyyəsində idi.
-
Dövlət Statistika Komitəsinin son məlumatlarına görə, 2024-cü il dekabrın 1-nə olan vəziyyətə əsasən, Azərbaycanda muzdlu işçilərin ümumi sayı 1,775 milyon nəfər təşkil edib ki, bunun 884,400 nəfəri dövlət sektorunda, 890,900 nəfəri isə qeyri-dövlət sektorunda çalışır. Bu göstərici yeddi il əvvəl hökumətin qarşıya qoyduğu iddialı hədəflərdən xeyli aşağıdır və xüsusilə gənclər arasında məşğulluq imkanları ilə bağlı narahatlıqları artırır.
-
Azərbaycan Respublikasının hüquqi və fiziki şəxsləri 2024-cü ilin yanvar-noyabr aylarında dünyanın 176 ölkəsindəki tərəfdaşlarla ticarət əməliyyatları həyata keçirib, 120 ölkəyə məhsul ixrac edib, 167 ölkədən isə idxal edib. Bu barədə Dövlət Gömrük Komitəsi məlumat yayıb.
-
Pərakəndə ticarət dövriyyəsi 2024-cü ildə real ifadədə 3,9% artaraq 62,2 milyard manata çatıb, Dövlət Statistika Komitəsinin məlumatı göstərir. Ərzaq məhsulları, içkilər və tütün məmulatları 34,1 milyard manat, qeyri-ərzaq malları isə ümumi məbləğin 28,1 milyard manatını təşkil edib.
Rəy yaz