Prokurorluq RATİ-nin hüquqşünasını dindirib (YENİLƏNİB)

Reportyorların Azadlığı və Təhüekəsilziyi instiutunun (RATİ) hüquqşünası Günay İsmayılova cümə axşamı ölkə prokurorluğunun Aəör Cinayətlər üzrə İstintaq idarəsində 3 saatdan artıq dindirilib. Dindirmə vəkil Yalçın İmanovun iştirakı ilə keçirilib.

Dindirmə bir sıra yerli və xarici QHT-lərə qarşı cinayət işilə bağlı aparılıb. Həır iki şəxsdən istintaq sirrini yaymamaq haqda iltizam alınıb.

Prokurorluq G.İsmayılovaya istintaqın icazəsi olmadan xaricə getməyin yolverilməz olduğunu bildirib.

Onun sözlərinə görə, qanunvericiliyə əsasən şahid istintaqı ölkədən getməsi və hansı müddətə getməsi barədə yalnız məlumatlandırır.

Xatıraldaq ki, bu il avqustun 8-də RATİ-də axtarış zamanı kompyüterlər, çəkiliş avadanlıqları və sənədlər müsadirə edilib. Avqust ayının 11-dən isə RATİ-nin ofisi qapadılıb.

Avqrustun 8-dən bu yana RATİ sədri Emin Hüseynin harada olması haqda hər hansı informasiya yoxdur.-05B/06-

2014 Avqust 14 (Cümə axşamı) 11:33:16

Bu gün saat 10.00-da Reportyorların Azadlıq və Təhlükəsizliyi İnstitutunun (RATİ) nümayəndəsi Günay İsmayılova və RATİ-nin icarəyə  götürdüyü ofisin sahibi Şərqiyyə Hüseynova Baş Prokurorluğun Ağır Cinayətlərə dair İşlər üzrə İstintaq İdarəsində dindirilir.

G. İsmayılova Turan-a bildirib ki, ona çağırış vərəqi göndərilməyib, müstəntiq şahid qismində dindirilməsi üçün dəvət edildiyini bildirib. G.İsmayılovanın dindirilməsində vəkil Yalçın İmanov iştirak edir.

Ş.Hüseynova isə Turan-a deyib ki, onu sadəcə dəvət ediblər. “Mən evimi qanuna uyğun olaraq icarəyə vermişəm. Müqaviləm var və vergi öhdəliyimi vaxtında yerinə yetirmişəm. İndi evimin qapılarını istintaq orqanı möhürləyib. Səbəbi mənə bəlli deyil. Evimi icarəyə verməklə ailəmi dolandırıram” , - o narazılığını bildirib.

Avqustun 8-də Baş Prokurorluğun Ağır Cinayətlərə dair İşlər üzrə İstintaq İdarəsi RATİ-nin ofisində axtarış aparıb. Ofisdən 15 kompüter (prosessor və monitor), 7 noutbook, 3 kamera, 12 fotoaparat, çoxsaylı yaddaş kartları, 200-dən çox kaset, 200-dək disklər, 20-dən çox hard disklər, təhlükəsizlik kamerasının yaddaş diski, çoxsaylı sənədlər, - qrant müqavilələri, mühasibatlıq sənədləri, hüquqi sənədlər, möhürlər götürülüb. RATİ-nin direktoru Emin Hüseynovun ata evindən isə anasına məxsus kompüter, planşet və bir neçə sənəd götürülüb.

Avqustun 10-da  prokurorluq RATİ-nin ofisinin qapılarını möhürləyib.

Xatırladaq ki, bu ilin mayında Azərbaycanın bir sıra qeyri-hökumət təşkilatları və xarici qeyri-hökumət təşkilatlarının filial və nümayəndəliklərinin fəaliyyətlərində aşkar edilmiş qanun pozuntuları faktlarına dair Ədliyyə Nazirliyindən Baş Prokurorluğa daxil olmuş materiallar üzrə Cinayət Məcəlləsinin 308.1 (vəzifə səlahiyyətlərindən sui-istifadə və 313-cü (vəzifə saxtakarlığı) maddələri ilə cinayət işi başlanıb. Cinayət işi üzrə çoxsaylı ev və ofislərdə axtarış aparılıb. Çoxsaylı QHT və fiziki şəxslərin bank hesablarına həbs qoyulub. Artıq 4 nəfər QHT fəalı həbs edilib.-023B-