![Vergi əməkdaşları kiçik sahibkarlarla vuruşur](https://turan.az/resized/./turan-750-500-resize.webp)
Vergi əməkdaşları kiçik sahibkarlarla vuruşur
Bir sıra kiçik və orta sahibkarların əmlakı siyahıya alınıb. Vergilər Nazirliyinin məlumatına görə, vergidən yayınanların sayı 5-dir.
“TEKOPLAST” şirkətinin (Nərimanov rayonu) 15,185,76 manat məbləğində vergi borcunun yarandığı müəyyən edilib. Vergi borcunun ödənilməsini təmin etmək məqsədilə obyektdəki əmlakın siyahıya alınması haqqında qərar çıxarılıb. 2.680 manat dəyərində məişət avadanlıqları, qapı və pəncərə dəmirləri müəyyən edilmiş qaydada siyahıya alınıb.
Fiziki şəxs Şahid Məlikova məxsus tikinti materialları mağazasında (Nəsimi rayonu) da əmlakın siyahıya alınması tədbirlərini həyata keçiriblər. Onun 6,276,39 manatlıq vergi borcu olduğundan, borcun ödənilməsinin təmin edilməsi məqsədilə obyektdəki 7,130 manat dəyərində santexnika avadanlıqları müvafiq qaydada siyahıya alınıb.
Analoji hallar daha 3 obyektdə aşkar edilib.
Vergilər Nazirliyi iri məmurların biznesinə daxil olan strukturları heç vaxt məsuliyyətə cəlb etmir.–17D—
İqtisadiyyat
-
İqtisadiyyat Nazirliyinin bazar ertəsi verdiyi məlumata görə, Ağdam Sənaye Parkının rezidenti olan “Eel Electric” MMC elektrik paylayıcı avadanlıq və rozetkaların istehsalı zavodunun tikintisinin 85 faizini başa çatdırıb.
-
Azərbaycan Dövlət Vergi Xidməti (DVX) ölkədə ƏDV-nin qaytarılması layihəsinin adından istifadə edərək dələduzluq hallarının artması ilə əlaqədar vətəndaşlara təcili xəbərdarlıq edib. Dövlət Vergi Xidmətindən verilən məlumata görə, kibercinayətkarlar Dövlət Vergi Xidmətinin rəsmi internet resurslarını maksimal surətdə imitasiya edən saxta internet saytları və internet səhifələri yaradaraq, sadəlövh vətəndaşları ƏDV-nin qaytarılması vədləri ilə şirnikləndirirlər.
-
İyulun 30-da Nazirlər Kabineti Aparatının rəhbəri Rüfət Məmmədovun sədrliyi ilə “İnflyasiyanın və qiymətlərin monitorinqi” işçi qrupunun iclası keçirilib. İclasda Azərbaycanın istehlak bazarında qiymət dəyişiklikləri və hökumətin antiinflyasiya tədbirləri müzakirə edilib.
-
Azərbaycan Mərkəzi Bankının (AMB) faiz dəhlizinin parametrləri ilə bağlı məlumatlarına əsasən, 2024-cü ilin birinci yarısında Azərbaycanın xarici ticarət balansı 4 milyard dollar müsbət saldo nümayiş etdirib.
Rəy yaz