Image Courtesy: Israel 21 C
Bakı/17.11.21/Turan: Avropa İttifaqının maliyyə dəstəyi ilə BMT-nin Ərzaq və Kənd Təsərrüfatı təşkilatının həyata keçirdiyi “Aqrar məsləhət xidmətlərinin gücləndirilməsi” Layihəsi çərçivəsində innovativ layihələr dəstəklənəcək.
Aİ-nin Azərbaycandakı nümayəndəliyinin məlumatına görə, iİnnovativ layihələr pilot bölgələr olan Quba-Xaçmaz və Gəncə-Qazax regionlarındanseçilir. Məqsəd fermerlərin ehtiyaclarına cavab verən innovativ həllərin tapılmasıdır.
“Aqrar məsləhət xidmətlərinin gücləndirilməsi” Layihəsinə cəlb edilmiş beynəlxalq ekspert Kiaran Qannon qarşıdakı 6 ayda nəzərəçarpan dəyişiklik əldə ediləcəyini bildirib:
“Qarşımızda həm dövlət, həm özəl sektorun iştirakını nəzərdə tutan əməkdaşlıq əsaslı innovativ layihələrin hazırlanması kimi bir hədəf var. İnnovativ layihələrin qısa müddətdə hazırlanması üçün fermerlərin ehtiyacları öyrənilib. Fermerlər, təhsil və təqdiqat müəssisələri ilə müzakirə edilmiş bu layihələr istehsalçıların ehtiyac və tələblərinə əsaslanır.
Layihənin milli koordinatoru Vüqar Bəşirov informasiya və kommunikasiya texnologiyalarından istifadə ilə bağlı gənc fermerləri əhatə edən innovasiyalara, fermerlərin maliyyə çətinliklərini asanlaşdıran, təsərrüfatın təşkili, məhsulun yoxlanılması, saxlanması və bazara çıxarılmasını təmin edən həllərə ehtiyac duyduqlarını və Layihənin bu istiqamətləri əhatə edən platformaları dəstəkləyəcəyini bildirib.
“Yeni aqrar məsləhət xidməti məhsulu olan əmtəə əsaslı məsləhət platformalarının pilot regionlarda sınağına başlanıb. Bu istiqamətdə fermerlərlə birbaşa ünsiyyətdə olacaq fasilitatorlara beynəlxalq ekspertlər tərəfindən təlim keçiriləcək. Təlimlər layihənin hər iki hədəf regionundakı fasilitatorları əhatə edəcək” - Vüqar Bəşirov əlavə edib.
Qeyd edək ki, “Aqrar məsləhət xidmətlərinin gücləndirilməsi” Layihəsi ölkə üçün yeni Aqrar Məsləhət Xidməti Modeli, 5 illik strategiya və pilot regionlarda aqrar məsləhət xidmətlərinin təminatı üzrə 3 illik plan hazırlayır. -0--
İqtisadiyyat
-
Azərbaycan qazının Şimali Makedoniyaya tədarükü orta müddətli perspektivdə müntəzəm xarakter alacaq, - Turan xəbər agentliyinə məlumatlı mənbə bildirib.
-
Azərbaycanda gələn il minimum istehlak səbətinin tərkibinə yenidən baxıla bilər. Bu barədə Milli Məclisin komitələrinin birgə iclasında bildirilib. Sonuncu dəfə istehlak səbətində dəyişiklik 10 il əvvəl edilib. Ancaq keçən bu 10 il ərzində ölkədə inflyasiya artıb, yaşayış minimumunun məbləği da dəyişib. Üstəlik, bəzi ekspertlərin fikrincə, Azərbaycanda tətbiq olunan minimum istehlak səbətində ciddi dəyişikliklər olunmalıdır. Bəzi mal və məhsullar əlavə edilməlidir.
-
2025-ci il üçün Azərbaycanın dövlət büdcəsi layihəsi iqtisadi artım, sosial inkişaf və azad edilmiş ərazilərin bərpası da daxil olmaqla, Prezident İlham Əliyevin müəyyən etdiyi strateji məqsədləri prioritet kimi qəbul edir. Bu barədə bazar ertəsi keçirilən parlament iclasında yüksək səviyyəli rəsmilər məlumat veriblər.
-
Bakı Metropoliteninin rəhbərliyi tez-tez yeni metro xətləri və stansiyaları ilə bağlı layihələr elan edir, lakin rəsmi məlumatlarda bir kilometr xətlərin çəkilməsi və ya konkret metro stansiyalarının tikintisinin dəyəri haqqında heç bir məlumat verilmir. Jurnalistlər bəzi məlumatları qeyri-rəsmi mənbələrdən əldə edirlər ki, bu da belə məlumatların etibarlılığına şübhə yaradır. Məsələn, 2021-ci ildə hökumətin qeyri-rəsmi mənbəsi tərəfindən Bənövşəyi xətt üzrə bir stansiyanın tikintisinin planlaşdırılmış işlərinin dəyərinin 60 milyon manat olduğu bildirilmişdi. Bu məbləğə isə daxili işləmə işləri, rabitə xətləri, elektronika, eskalator və liftlərin quraşdırılması daxil deyildi.
Rəy yaz