Abşeron sıx məskunlaşıb, regionlar boşalır

Azərbaycan Milli Elmlər Akademiyasının Coğrafiya İnstitutu demoqrafik böhran barədə xəbərdarlıq edir.

AMEA-nın 70 illik yubileyinə həsr olunmuş yığıncaqda Coğrafiya İnstitutunun direktoru Ramiz Məmmədov bildirib ki. Sıxlıq disbalansı yaranır. Belə ki, Abşeron yarımadasında yüklənmə vəziyyəti mövcuddursa, yüksəkliklərdə yavaş-yavaş boşalma prosesi gedir. «İnzibati rayon mərkəzləri olan kiçik və orta şəhərlərin inkişafının həyata keçirilməsi problemlərin həllinin Abşeron yarımadasına axınların qarşısının alınmasına və orada iş yerlərinin açılmasına kömək edə bilər”, deyə o söyləyib.

O həmçinin bildirib ki, hazırda əmək qabiliyyətli yaşda əhalinin xüsusi çəkisi 71,8  faizdir.

O bildirib ki, yaxın 10-15 ildə pensiya yaşlı əhalinin sayı xeyli artacaq. Bu isə əhalinin say artımında və iş qüvvəsi təminatında ciddi problemlər yarada bilər. 1990-cı illərin əvvəlində artım min nəfərə 19-20 nəfər idisə, ortalarında 7-8 nəfərə düşüb. Hazırda bu göstərici 13-14 nəfərdir. İndi illik artım 1,2 % təşkil edir. Bu, Gürcüstan və Ermənistandakındfan dəfələrlə çoxdur», - deyə o bildirib.

Ramiz Məmmədov institutda İnsan coğrafiyası bölməsi yaradılmasının nəzərdə tutulduğunu söyləyib. Bildirib ki, bölmənin tərkibində Demoqrafik inkişaf və əhali məskunlaşması coğrafiyası, Sosial-iqtisadi və siyasi coğrafiya və Turizmin inkişafının elmi əsasları coğrafiyası adlı laboratoriyalar fəaliyyət göstərəcək. ---17D—