Global Energy-nin real sahibinin adı və onun Azərbaycan layihələrinə investisiyaları niyə ləngitdiyi məlum oldu

Biznesmen Mixail Qutseriyev və İsveçrə treyderi Glencore «Rusneft»in borcunun onun səhmlərinə konvertasiyası barədə razılıq əldə edib.  İsveçrəlilər 46% pay əldə edir, Qutseriyevin payı 54%-ə düşür.

Şirkətin borcu isə $5,3-dən $2,3 mlrd-a azalır. Bu barədə RBK-ya «Rusneft»də bildiriblər.

Glencore 2000-ci illərin əvvəllərində Qutseriyevə «Rusneft»i yaratmaqda kömək edib. Son vaxtlara qədər treyder «Rusneft»in törəmələrində 40-49% səhm sahibi idi.

2007-ci ildə cinayət işi açıldığı üçün Qutseriyev Rusiyanı tərk etdi və şirkəti Oleq Deripaskaya satdı. 2010-cu ildə qayıdandan sonra o, neft şirkətinin 49%-i qaytardı, 2013-cü ildə «Rusneft»i birləşdirdi. Amma şirkətin borcu $7 mlrd-a çatırdı.

Qutseriyev 2015-ci ilin martında elan etdi ki, Glencore ilə səhmlərin konvertasiyası barədə razılıq əldə edib. O vaxt ehtimal edilirdi ki, isveçrəlilər 49% pay əldə edəcək. Mayda Glencore-in payı 46%-ə endirildi. Çünki xarici investisiyalar üzrə hökumət komissiyası ilə razılaşdırmaq zərurəti olmadı, deyə xarici investisiyalara nəzarət idarəsinin rəisi Armen Xanyan bildirib.

Qutseriyev əvvəllər bildirmişdi ki, «Rusneft» «Neftisa» və Global Energy ilə birləşəcək. Bu 3 şirkətin ümumi ehtiyatı 850 mln ton neft (С1+С2), hasilat həcmi ildə 17 mln, emal həcmi 9 mln t qiymətləndirilirdi. «Rusneft»in hasilatı 2014-cü ildə 8,6 mln ton olub. 

«Rusneft» 2000-ci ilin ortalarında Azərbaycanda quruda neft hasilatı üzrə  PSA saziş imzalayıb. Sonra başqa sazişlər olub. Amma “Rusneft”in aktivləri Global Energy-yə dəyişilib və o, fəaliyyətini genişləndirib. Hazırda bu şirkət Azərbaycanda 5 PSA sazişə nəzarət edir. Amma onlarda iş “saziş şərtləri üzrə” getmir. Görünür, SOCAR Qutseriyevin problemlərini həll edəcəyi vaxtı gözləyib.–0--