“Azərsu” ASC Bakı şəhəri və Abşeron yarımadasında ekoloji vəziyyətin yaxşılaşdırılması məqsədi ilə Xırdalan-Xocasən tunel tipli kanalizasiya kollektorunun tikintisinə başlayıb.
Kollektorun ümumi uzunluğu 14750 metr, diametri 2,2-2,8 m, dərinliyi 32-49 m olacaq, deyə “Azərsu” ASC-də Turan-a bildiriblər.
Yeni kollektorun inşasının 2015-ci ildə başa çatdırılması nəzərdə tutulur. Xırdalan şəhərində, Masazır qəsəbəsi və ətraf ərazilərdə toplanan çirkab suları Bakı şəhərindən keçməklə Hövsan Aerasiya Stansiyasına ötürülür. Çirkab suyun axıdılması iki mərhələdə nasoslar vasitəsi ilə və böyük həcmdə elektrik enerjisinin sərfiyyatı hesabına həyata keçirilir.
Yeni kollektor çirkab suların Lökbatan istiqamətində özüaxımlı rejimdə nəqlini nəzərdə tutur. Burada tullantı suları təmizlənib zərərsizləşdirildikdən sonra Xəzər dənizinə axıdılacaq.
Layihənin qiyməti barədə məlumat verilmir. 2013-cü ildə “Azərsu” investisiya layihələrinin icrası üçün dövlət büdcəsindən 734,4 mln manat alacaq. 2012-ci ildə bu məqsədlə həmin mənbədən 580 mln manat xərclənib. 08В
İqtisadiyyat
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
-
Azərbaycan Dövlət Neft Şirkətinin (SOCAR) prezidenti Rövşən Nəcəf və Tatarıstan Respublikasının baş nazirinin müavini, sənaye və ticarət naziri Oleq Korobçenko əməkdaşlıq məsələlərini müzakirə edərək, SOCAR və Rusiyanın “Tatneft” neft şirkəti arasındakı tərəfdaşlıqdan məmnun olduqlarını bildiriblər.
-
Azərbaycan hökuməti sənaye və kənd təsərrüfatı zonalarına investisiyaları cəlb etmək səylərini artırır. 2023-cü ildə İqtisadi Zonaların İnkişafı Agentliyi (İZİA) 31 yeni sahibkarlıq subyektinə rezident statusu, bir sahibkara isə qeyri-rezident statusu verib. Bu, ölkənin post-münaqişə bölgələrində və digər ərazilərində iqtisadi inkişafı sürətləndirmək istiqamətində yeni mərhələ hesab olunur.
Rəy yaz