Accessbank AYİB-in dəstəyi ilə Azərbaycanda enerji səmərəliliyi layihəsi həyata keçirir
Bu gün “Accessbank” Avropa Yenidənqurma və İnkişaf Bankı (AYİB) ilə 4,2 milyon dollar məbləğində kredit sazişi imzalayıb. Bu vəsait ümumi sahəsi 9840 kvadratmetr olan baş ofisin yenidən qurulmasına sərf ediləcək.
AYİB layihənin yalnız 30 faizini maliyyələşdirəcək. Qalan hissəni bank özü qoyacaq. Yenidənqurma işlərindən sonra aşağı səviyyəli enerji istehlakı sistemi ilə təchiz edilmiş və Azərbaycanda ilk belə layihə hesab edilən “yaşıl ofislər”i “Accessbank” öz baş ofisində çalışan əməkdaşlarının ixtiyarına verəcək.
Sistem əvvəlki nəsil sistemlər ilə müqayisədə enerjiyə 42 faiz qənaət etməyə imkan verəcək.
Kreditin ayrılması AYİB-in 2007-ci ilin iyulunda başladığı Qafqaz regionunda enerji səmərəliliyi proqramı çərçivəsində həyata keçirilir. Ona 2007-ci ildə start verilib. Proqram çərçivəsində Azərbaycanda yerli tərəfdaş banklara enerjidən rasional istifadə üçün kredit xətti verilir.
İndiyədək AYİB Azərbaycan iqtisadiyyatının müxtəlif sahələrinə 135 saziş üzrə 1,52 mlrd avro ayırıb. Bərpa olunan enerji və enerji səmərəliliyinə investisiya AYİB-in prioritetlərindəndir. 2012-ci ildə AYİB Azərbaycanda 81 mln avroluq 15 layihəni təsdiq edib.–15D--
İqtisadiyyat
-
Türkiyənin Aksa Doğalgaz şirkəti, Kazancı Holdinqin bir hissəsi olaraq, Bursagaz və Kayserigaz qazpaylayıcı şirkətlərini almaq üzrə müqavilə prosesinin tamamlandığını elan edib. Bu şirkətlər 2019-cu ildən etibarən SOCAR Türkiye Energy AS-in (STEAS) tərkibində fəaliyyət göstərirdi, deyə Aksa Doğalgaz məlumat verib.
-
Nazirlər Kabineti, ölkənin milli kimliyini və mədəni dəyərlərini əks etdirən yaradıcı əsərləri təşviq etmək məqsədilə dövlət sifarişi ilə istehsal edilən filmlərin müəllifləri üçün minimum qonorar məbləğlərini müəyyən edən yeni qaydalar qəbul edib.
-
Azərbaycana çayın idxalı artıb. Dövlət Gömrük Komitəsinin məlumatına görə, 2024-cü ilin yanvar-noyabrında çay idxalı əvvəlki ilin eyni dövrü ilə müqayisədə həcmcə 3. 3 faiz artaraq 12 min 893 ton, dəyər baxımından isə 4.5 faiz yüksələrək 67 milyon 715 min ABŞ dolları təşkil edib.
-
"Azərbaycan Dəmir Yolları" QSC (ADY) 2024-cü ildə Şimal-Cənub Beynəlxalq Nəqliyyat Dəhlizi (NSTC) vasitəsilə tranzit yüklərin həcmini ötən ilə nisbətən 28% artıraraq 814 min tona çatdırdığını bildirdi. Bu artım, Şimali Avropa və Rusiyanı Hind okeanı ilə birləşdirən dəhlizin strateji potensialını üzə çıxarmaq istiqamətində Azərbaycanın göstərdiyi səyləri vurğulayır.
Rəy yaz