Adambaşına pul gəlirləri kağız üzərində 300 manatdır

Bu ilin on ayında Azərbaycan əhalisinin pul gəlirləri 27,1 mlrd manat olub. Bu, 2011-ci ilin eyni dövründəkindən 13,7% çoxdur. Dövlətstatkom əhalinin gəlirlərini makroiqtisadi göstəricilər, bank əmanətləri, xarici valyuta alışı, daxili əmtəə dövriyyəsi, pullu xidmətlər və s . əsasında hesablayıb. 

Yanvar-oktyabrda ölkə əhalisinin adambaşına gəlirləri 3000 manat və ya ayda 296 manat olub. Bu, ötən ilin eyni dövründəkindən 12,2% çoxdur.    

Qeyd edək ki, əhalinin məşğulluğu (4 421 min nəfər) vətəndaşların sayına nisbətdə 47,5%-dir. Kənd və meşə təsərrüfatı, balıqçılıqda işləyən əhalinin üçdə biri məşğuldur. Onların gəlirləri ölkə üzrə orta göstəricidən iki dəfə azdır. Təhsil (350 min nəfər) və səhiyyə (165 min nəfər) işçilərinin gəliri orta hesabla 170 manatdır. 120 mindən çox ailə aztəminatlı sayılır. Çünki gəlirləri ehtiyac meyarından - adambaşına 84 manatdan azdır. Ekspertlər hesab edir ki, bu ziddiyyətlər cəmiyyətin varlı kasıblara ciddi təbəqələşdiyini göstərir.

Sorğu əsasında əldə edilən rəsmi məlumata görə, 2011-ci ildə hər bir vətəndaş ayda 160 manat gəlir əldə edib. DSK-da Turan-a bildiriblər ki, sorğuda varlılar iştirak etmir. Onlar öz villalarının qapısını Dövlətstatkom əməkdaşlarına açmır. 08B