“Azərbaycan dəmir yolları” QSC yeni “ADY Express” MMC adlı qurum yaradıb.
Şirkət tranzit ölkəsi kimi Azərbaycanın əhəmiyyətinin artması, yük daşımaları sahəsində dünya standartlarına cavab verən xidmətlərə tələbatın artması nəzərə alınaraq yaradılıb, deyə ADY-nin məlumatında bildirilir (http://goo.gl/Lp1uT9).
“ADY Express” Azərbaycandan keçən yeni tranzit yük həcmlərini cəlb etmək üçün ekspeditorlara və böyük yük daşıyıcılarına onlayn xidmətlər təqdim edir.
“ADY Express”in əsas məqsədi logistika xidmətləri sahəsində şəffaf və səmərəli şərait yaratmaq, Avropa, Mərkəzi Asiya, Uzaq Şərq və FarsKörfəzi ölkələrindən Xəzər və Qara Dəniz regionlarından sənaye yükləri həcminin artırılmasıdır.
Fəaliyyətinin ilk dövründəcə “ADY Express” müştərilər üçün vaqonların (yüklərin) izlənməsi xidmətini tətbiq edib. Müştərilər bu xidmətdən istifadə edərək yüklərinin hansı ölkədə olduğu, hansı şəhərin, yaşayış məntəqəsinin ərazisindən və ya stansiyadan keçdiyi haqqında operativ məlumat əldə edə bilərlər. -08D-
İqtisadiyyat
-
2024-cü ilin dekabr ayında Azərbaycanda İstehlak Qiymətləri İndeksi (İQİ) ötən ilin eyni dövrü ilə müqayisədə 4,9% artıb, əsasən ərzaq və içkilərin qiymət artımı bu artıma səbəb olub. Dövlət Statistika Komitəsinin məlumatına görə, ümumi İQİ 104,9% təşkil edib, burada ərzaq məhsulları, içkilər və tütün üzrə 5,5%, qeyri-ərzaq məhsulları üzrə 2,4% və əhaliyə göstərilən pullu xidmətlər üzrə isə kəskin 6,3% artım qeydə alınıb.
-
2024-cü ildə Azərbaycan, Energetika Nazirliyinin açıqladığı ilkin məlumata əsasən, 29.1 milyon ton neft (kondensat daxil olmaqla) hasil edib ki, bu da 2023-cü ildəki 30.2 milyon tondan azdır.
-
Dövlət Statistika Komitəsinin məlumatına görə, Azərbaycanda 2024-cü ildə orta illik inflyasiya sabit olaraq 2.2% səviyyəsində qalıb. Bu, qlobal meyllərlə müqayisədə daha aşağı qiymət artımı dövrünü göstərir. Lakin sektorlardakı fərqliliklər daxili siyasət tədbirləri və xarici təsirləri əks etdirir.
-
Azərbaycanın iqtisadiyyatı gələn illərdə də artımını davam etdirəcək, lakin ING Qrupu və Birləşmiş Millətlər Təşkilatının (BMT) proqnozları bərpa sürətinə dair bir qədər fərqli baxışlar təqdim edir. Niderlandın ən böyük bank qurumu olan ING Qrupu, Azərbaycanın Ümumi Daxili Məhsulunun (ÜDM) müsbət artımını proqnozlaşdırır, BMT isə daha optimist bir görünüş təklif edir.
Rəy yaz