AİB-in Azərbaycanda neft hasilatı üzrə kobud proqnoz səhvləri

Asiya İnkişaf Bankının 14 oktyabrda yayılan Asian Energy Oultook-2035 hesabatında Azərbaycanda neft və qaz hasilatı üzrə çoxlu kobud proqnoz səhvləri var. 

"“Azəri-Çıraq-Günəşli” yatağında hasilatın piki 2015-ci ildə olacaq və gündə 1,4 mln barrel təşkil edəcək", - deyə hesabatda qeyd olunur.. 

AİB ekspertləri nəzərə almayıb ki, Azərbaycanda və AÇG-də neft hasilatının piki 2010-cu ildə olub və 50 mln 795,4 min və 40 mln 487.4 min ton (ARDNŞ-nin məlumatı) və ya sutkada 1,16 mln barrel və 823 min barrel olub.

Bir il sonra ölkə üzrə hasilat 45 mln 625 min ton (AÇG üzrə 35 mln 465 min ton) və ya sutkada 910 min barrel (717,6 min barrel) təşkil edib. 2013-cü ildə Azərbaycanda 42,5 mln ton neft hasilatı gözlənilir. Bunun 32,4 mln tonu AÇG-nin  (Caspian Barrel-in məlumatına görə, ilin sonunda orta sutkalıq hasilat həcmi 635-640 min barrel olacaq, I yarımildə bu göstərici 672 min idi) payına düşəcək.

2014-cü ildə Chirag Oil Project layihəsi çərçivəsində “Qərbi Çıraq”da hasilat başlayacaq. Bu, hasilatı sabitləşdirməyə, bir müddət isə artırmağa imkan verəcək. “Amma bu, qısamüddətli olacaq və ümumi göstəricilərə ciddi təsir etməyəcək. Bundan başqa, köhnə quyularda azalma elə güclüdür ki, yeni platformanın istismara verilməsi köhnə quyulardakı azalmanı kompensasiya edəcək”, - deyə Caspian Barrel-də hesab edirlər.

Ona görə AÇG-də 2010-cu ildəki (sutkada 800 min barrel) məhsuldarlığın olmasını heç kəs gözləmir. 

AİB ekspertləri həmçinin hesabatda bildirirlər ki, 2035-ci ildə 2010-cu il ilə müqayisədə qaz hasilatı 46% artacaq. Qeyd edək ki, 2010-cu ildə Azərbaycanda 15 mlrd kubmetr qaz hasil edilib. AİB-in məntiqinə görə, 22 ildən sonra ölkə ildə 22 mlrd kubmetr qaz çıxaracaq. Amma məlumdur ki, 2020-ci ildə təkcə “Şahdəniz” layihəsi çərçivəsində qaz hasilatı həcmi 24 mlrd kubmetr olacaq. ARDNŞ rəhbərliyinin bəyanatlarına görə, 2030-cu ildən sonra əmtəəlik qaz hasilatı 40-50 mlrd kubmetr olacaq və bunun 30 mlrd kubmetri ixrac ediləcək.–12А--