Aparıcı ticarət-sənaye şirkəti yenidən təşkil edilib

“Delta Qrup C.O.”  Şirkətlər Qrupu yenidən təşkil olunduğunu bildirib. Nəticədə onun 5 şirkəti ana şirkətlə birləşib.

Birlşmə prosesində çörək-bulka məmulatları, makaron və şokolad istehsalı üzrə üç şirkət (“Bismak” Yeyinti-Sənaye Kompleksi,  “Saglam Qida CO” və “Unlu qida”), həmçinin distribusiya və ticarət üzrə şirkətlər  (“Crystal Trading” və “Krystal Trading”) iştirak edirlər.

“Delta Qrup C.O.” Şirkətlər Qrupu 1999-cu ildə yaradılıb və hazırda 1000 əməkdaşı var. Bu, yalnız distribyutor fəaliyyəti ilə deyil, həm də məhsul istehsalı ilə məşğul olan “böyük holdinqlərdən” biridir. Qrupun korporativ saytnda bildirilir. Şirkətin distribyutor şəbəkəsi ölkənin 10 regionunda təmsil olunub.

“Delta Import” və “Krystal Trading”  hazır qida məhsullarının idxalçısıdır.  “Delta Distribution” isə məhsulların ticarət nöqtələrinə çatdırılması ilə məşğul olur.

Qrupun digər törəmə strukturu - “Delta Logistics” MMC anbar kompleksi üzrə geniş logistika xidmətlərini təqdim edir: məsuliyyətli saxlama, anbarların icarəsi, yükləmə-boşaltma işləri, sifarişlərin çeşidlənməsi və komplektləşdirilməsi, malların sifarişçilərin xüsusi tələblərinə əsasən hazırlanması (qablaşdırma, yoxlama, yenidən qablaşdırma) və s. Anbar yerlərinin ümumi sahəsi 10,1 min kv. m.-dir, avtomobil parkı 200 maşın üçün nəzərdə tutulub. Başqa bir logistika mərkəzi Sumqayıtda fəaliyyət göstərir.

“Bismak” Yeyinti-Sənaye Kompleksi 2005-ci ildə Sumqayətda istismara verilib və  81,6 min  kv. m. sahəni əhatə edir.

“Delta Qrup C.O.” MMC Şirkətlər Qrupu  maliyyə hesabatını dərc etmir.08B