ARDNŞ TAP layihəsində 20% alacaq

ARDNŞ prezidenti Rövnəq Abdullayev bu gün jurnalistlərə “Şahdəniz” layihəsinin əsas iştirakçılarının Transadriatik layihəsinə (ТАР) pay iştirakı barədə məlumat verib. Qeyd edək ki, 9 avqust 2012-ci il tarixli sazişə əsasən,  “Şahdəniz” konsorsiumu ТАР layihəsini əsas marşrut kimi seçsə, boru kəməri konsorsiumunun səhmlərinin yarısı ARDNŞ, BP və Total-ın nəzarətinə keçəcək . 

Abdullayevin sözlərinə görə, ARDNŞ və BP hərəsi 20%, Total 10% pay alacaq. O, əlavə edib ki, hazırda bu prosesin rəsmiləşdirilməsi üzrə işlər aparılır.

Əvvəllər ТАР təmsilçisi bəyan edib ki, yeni iştirakçıların konsorsiuma daxil olması marşrut seçimindən 30 gün sonra başa çatacaq. 

R,Abdullayev deyib ki, "Şahdəniz" yatağının işlənməsi üzrə tərəfdaşlar ilin sonuna kimi Azərbaycan qazının Avropaya tədarükü çərçivəsində bütün saziş və müqavilələri razılaşdıracaq və imzalayacaq ki, bu da 2013-cü ilin sonunda "Şahdəniz" yatağının ikinci mərhələsinin işlənməsi layihəsi üzrə son maliyyə qərarını qəbul etməyə imkan verəcək. 

 Onun sözlərinə görə, artıq alıcılardan qaz üçün təsdiq olunan qiymətlər alınıb, o cümlədən müqavilələr üzərində işlər gedir.

TAP-ın səhmdarları İsveçrənin AXPO (42,5%), Norveçin Statoil (42,5%), Almaniyanın E.ON Ruhrgas (15%) şirkətləridir. Əvvəllər Qərb mənbələri məlumat verib ki, “Şahdəniz” layihəsinin əsas iştirakçılarına 50% pay vermək üçün boru kəməri konsorsiumuna daxil olan şirkətlər paylarını yarıyacan azaltmalıdırlar. --12В—