Asiya İnkişaf Bankı Azərbaycanda istiqraz buraxmaq niyyətindədir.
Bu barədə Asiya İnkişaf Bankının nümayəndə heyətinin rəhbəri Pier Van Peteghem Qiymətli Kağızlar üzrə Dövlət Komitəsinin sədri Rüfət Aslanlı ilə görüşündə bildirib.
AİB rəhbəri deyib ki, bank ölkədə gedən sosial-iqtisadi inkişaf tendensiyasını diqqətlə izləyir və AİB-in Azərbaycanda qiymətli kağızlar bazarının inkişafına yeni töhfə vermək niyyətindədir. Bu məqsədlə QKDK və aidiyyəti qurumlarla əməkdaşlıq ediləcək.
Görüşdə təqaüd fondları, sığorta şirkətləri və maliyyə institutları daxil olmaqla, yerli və xarici institusional investorların sözügedən istiqrazlara investisiya qoyuluşunda iştirakı məsələləri barədə fikir mübadiləsi aparılıb.
İstiqrazların həcmi və müddəti barədə məlumat verilmir.
Qeyd edək ki, 2014-cü ildə Azərbaycanda korporativ istiqrazlar bazarı üç dəfə artaraq 3,5 mlrd manat təşkil edib. Onlar illik 3-14%-lə yerləşdirilir. 08D
İqtisadiyyat
-
Azərbaycan Prezidenti İlham Əliyev 1 yanvar 2025-ci ildən etibarən əmək pensiyalarının indeksləşdirilməsi ilə pensiyaçıların sosial müdafiəsinin gücləndirilməsi məqsədilə sərəncam imzalayıb.
-
İtaliya hökuməti, bir sıra strateji aktivlərin satışı üzrə beynəlxalq tenderdə müraciətlərin qəbulunu 14 fevral tarixinə qədər uzatdığını açıqlayaraq, Azərbaycanın namizədinin hələ də favoritlər arasında olduğunu təsdiqləyib.
-
İqtisadi Araşdırmalar Mərkəzinin İdarə Heyətinin sədri Qalib Toğrulun araşdırması, Azərbaycan rayonları Ağdam, Füzuli və Xocavənddə bərpa layihələri ilə bağlı büdcə xərclərinə diqqət yetirir. Araşdırmada Ermənistan işğalından azad edilmiş ərazilərdə həyata keçirilən dövlət sifarişli tikinti və infrastruktur layihələri araşdırılıb.
-
Azərbaycanın iqtisadiyyat naziri Mikayıl Cabbarov fevralın 4-də Beynəlxalq Valyuta Fondunun (BVF) Azərbaycandakı missiyasının rəhbəri Anna Bordo başda olmaqla BVF nümayəndə heyəti ilə görüş keçirib. Görüşdə iqtisadi əməkdaşlıq, maliyyə sektorundakı çətinliklər və struktur islahatları müzakirə edilib, nazirlik bildirib.
Rəy yaz