Avqustda MDM-də dövriyyə 5,2% azalıb

Milli Depozit Mərkəzi bu ilin avqustunda korporativ qiymətli kağızlarla qeydiyyata alınan birja və birjadankənar əqdlər barədə məlumat yayıb. Məlumata əsasən, qeyri-mütəşəkkil bazarda əqdlərin orta həcmi ay ərzində 34,8% artaraq 145,2 min manata çatıb. 

Avqustda birjadankənar bazarda 19 əqd qeydiyyata alınıb. Onların orta həcmi 2 757,min manat olub. İyulla müqayisədə əqd sayı 8 vahid, məbləğ 150 min manat azalıb. 

MDM-in məlumatına görə, korporativ qiymətli kağızların təkrar dövriyyəsinin qeydiyyata alınan həcmi 104 352,7 min manat olub. Bunun 332,5 mini və ya 0,31%-i səhmlərin birja dövriyyəsinin payına düşür (BFB-nin məlumatı). 

Korporativ qiymətli kağızların yerləşdirmə həcmi 78,5 mln manat təşkil edib. İyulla müqayisədə azalma 38,2%-dir.

Bakı Fond Birjası əvvəlkitək konkret birja əqdləri barədə məlumatı gizləyir. QKDK-nın qaydalarına əsasən, birja onları depozitardan məlumat alandan sonra bir gün ərzində yerləşdirməlidir. Qanunvericiliyə zidd olaraq, Azərbaycanda  insayder əqdləri barədə məlumat açıqlanmır. 

Avqustda MDM-də qeydiyyata alınan korporativ qiymətli kağızlarla əqdlər cəmi 183,8 mln manat olub. Bu, iyuldakından 5,2% azdır.  08D