Metroda sərnişin axını 2009-cu ilin səviyyəsinə çatmır

2013-cü ilin I yarısında Bakı Metropoliteni ilə sərnişin daşımaları gəlirləri 21 715,2 min manat olub. Bu, ötən ilin eyni dövründəkindən 4,8% çoxdur. Metroda sərnişin daşımaları 4,4% artıb.

Dövlətstatkoma görə, ilin I yarısında metronun saxlanma xərcləri +24,1% artaraq 57 844,8 min manat təşkil edib.

Metropoliten İdarəsinin məlumatına görə, yanvar-iyunda metro ilə 104,2 mln sərnişin daşınıb. 

Bu ilin 8 ayında metrodan 133,8 mın sərnişin istifadə edib. Bu, ötən ilin eyni dövründəkindən 7,1 mln nəfər və ya 5,6% çoxdur. 

2009-cu ildə metroda gediş haqqı 5 qəpikdən 15 qəpiyə artırılandan sonra Metropoliten İdarəsi sərnişin axını barədə maraqlı rəqəmlər açıqladı. Rəsmi məlumata görə, 2010-cu ildə metroda sərnişin axını 12,2% azalıb. Əgər 2009-cu ildə metrodan hər ay 17 175 min nəfər istifadə edibsə, 2012-ci ildə bu göstərici 16,3 mln, 2013-cü ildə  16 731 min nəfər olub.  

2008-2013-cü illərdə büdcədən Bakı Metropoliteninə 1,2 mlrd manat, o cümlədən bu il 390 mln amant ayrılıb. Bu illərdə 3 stansiya istismara verilib. 2014-cü ilin əvvəlində 2 stansiya təhvil veriləcək. 08B