Avropa İttifaqı Azərbaycana ünvanlı sosial yardımı daha şəffaf etməkdə kömək edəcək

Avropa İttifaqı Azərbaycana ünvanlı sosial yardımı daha şəffaf etməkdə kömək edəcək. 

Bu barədə əmək və əhalinin sosial müdafiəsi naziri Səlim Müslümovun Aİ-nin Azərbaycan nümayəndəliyinin rəhbəri Malena Mardinin görüşündə bildirilib. Bu barədə ƏƏSMN mətbuat xidməti məlumat verir. 

Nazirlik ilin sonuna kimi ünvanlı sosial yardımın təyin edilməsini avtomatlaşdırmaq imkanına malikdir. Görüşdə institusional islahatlar və qanunvericiliyin təkmilləşdirilməsindən də danışılıb. “Bu institusional islahatlar və qanunvericiliyin təkmilləşdirilməsi nəticəsində şəffaflığın təmin olunması daha da reallaşacaq, əhaliyə göstərilən xidmətlər daha keyfiyyətli və əlçatan olacaq” - deyə nazir bildirib. S.Müslümov M.Mardiyə əmək və əmək haqqı siyasəti,  məşğulluq və demoqrafiya, ünvanlı dövlət sosial yardımı, müavinətlər, əlilliyin təyini, müxtəlif sosial xidmətlər sahələrində görüləcək işlər barədə ətraflı məlumat verib. Qonaq Aİ-nin ƏƏSMN ilə əməkdaşlıqda maraqlı olduğunu qeyd edib. 

Azərbaycanda 2006-cı ildən ünvanlı sosial yardım (onun həcmi ehtiyac meyarı ilə (100 manat) ailə üzvü başına gəlir ölçüsü arasında fərq qədərdir) verilir. 

1 yanvar 2014-cü ildən 140 min 711 ailə və ya 615 min 516 nəfər ünvanlı sosial yardım alır. 4 nəfərlik ailədə ailə üzvü başına ünvanlı sosial yardım həcmi 29,01 manatdır. --17D-