AVSMMİS sığorta mükafatları üzrə lider oldu

Azərbaycanın sığorta bazarında ilk dəfə icbari sığorta növü lider olub - avtonəqliyyat vasitələri sahiblərinin mülki məsuliyyətinin icbari sığortası (yeni AVSMMİS) üzrə 47,22 mln manat mükafat yığılıb. Bu göstərici bu yaxınlardakı lider KTS-in mükafatlarından 2 mln çoxdur. 12 iri sığortaçının avtoinspeksiyası və sığorta agentlərinin aktivliyi fonunda bu proses ilin əvvəlində proqnozlaşdırılırdı. 

8 ayda sığorta bazarının həcmi 228 mln 872,6 min manat təşkil edib. İl ərzində artım (1 sentyabr 2011-ci ilə kimi 134,44 mln manat yığılıb) 70,2% olub. Demək, adambaşına mükafat həcmi 24,6 manatdır ($30). Ötən illə müqayisədə bu göstərici iki dəfə artıb. 

Əgər ötən illərdə artım nəqliyyat vasitələrinin sığortası və KTS hesabına təmin edilirdisə, bu il 8 ayın yekununda icbari həyat sığortası və AVSMMİS onlara çatıb. KTS üzrə 45,26 mln manat, КАСКО üzrə 37,01 mln manat yığılıb. 

İstehsalatda bədbəxt hadisələr və peşə xəstəlikləri nəticəsində peşə əmək qabiliyyətinin itirilməsi hallarından icbari sığorta üzrə 19,15 mln manat, qarışıq həyat sığortası üzrə 9,47 mln manat mükafat olub. Bu növlər bütün mədaxilin 70%-i təmin edib. 

Mükafatların çoxu könüllü növlər üzrədir – 141,67 mln manat və ya 61,9% (artım 32,8%). 

Bədbəxt hadisə və xəstəliklərdən sığorta üzrə 6,91 mln manat, hava nəqliyyatının sığortası üzrə 4,664 mln manat (yarım ilin yekununda 212 min idi), hava nəqliyyatı vasitələri sahiblərinin mülki məsuliyyətinin sığortası üzrə 2,48 mln manat (1 iyulla müqayisədə 100 dəfə artım), yük sığortası üzrə 10,37 mln manat, su nəqliyyatının sığortası üzrə 689,48 min manat yığılıb. 

Ümumi həyat sığortası üzrə 9,47 mln manat (il ərzində 5 dəfə artım), əmlak hüququ müqavilələri üzrə mülki məsuliyyətin sığortası üzrə 186,66 min manat, kredit sığortası üzrə 46,53 min manat toplanıb. 

Avtonəqliyyat vasitələri sahiblərinin mülki məsuliyyətinin sığortası üzrə 1,6 mln manat, əmlakın yanğından və başqa risklərdən sığortası üzrə 18,03 mln manat, əmlak sığortasının başqa növləri üzrə 304,7 min manat mədaxil olub. 

Xaricə səyahət sığortası üzrə 1,53 mln manat, su nəqliyyatının sığortası üzrə 689,48 min manat, kənd təsərrüfatı bitkilərinin sığortası üzrə 304,5, ev heyvanlarının sığortası üzrə 135,85 min manat mükafat yığılıb. 

Peşə məsuliyyətinin sığortası üzrə 259,51 min manat, işə götürənlərin məsuliyyətinin sığortası üzrə 776,54 min manat toplanıb. 

İcbari növlər üzrə 87,2 mln manat mükafat olub. Bu, 2011-ci ilin I yarısı ilə müqayisədə 2,3 dəfə artımı təmin edib. Hərbçilərin icbari sığortası üzrə 10,58 mln manat, məhkəmə və hüquq-mühafizə orqanları əməkdaşlarının icbari sığortası üzrə 3,09 mln manat mükafat əldə edilib. 

Avtonəqliyyat vasitələri sahiblərinin mülki məsuliyyətinin icbari sığortası (yeni AVSMMİS) üzrə 47,22 mln manat, sərnişinlərin icbari sığortası üzrə 121,99 min manat, əmlakın icbari sığortası 6,78 mln manat sığorta haqqı yığılıb. --17D—