Avtobuslarda ödəniş kartlarına tam keçid ayın sonuna qaldı

Martın 1-dən Bakıda avtobuslarda “Nəqliyyat kartı” ilə ödənişə keçid nəzərdə tutulurdu. Plastik kartlarla ödənişin tətbiqi yenə təxirə salınıb. Bu dəfə Nəqliyyat Nazirliyi ayın sonunu vəd edir.

Avtobuslarda nağdsız ödəniş Nəqliyyatın İntellektual İdarə edilməsi Sisteminin tətbiqi çərçivəsində 2011-ci ilin fevralından həyata keçirilməli idi. Amma Nəqliyyat Nazirliyi 2014-cü ilin mayında uğursuzluğa uğrayan prosesi gecikdirirdi. Sərnişinlərə gediş haqqını istədiyi kimi – nağd və ya kartla ödəməyə icazə verilirdi. Sərnişinlər şikayət edir ki, bir sıra hallarda ödəniş etsələr də, bu, ekranlarda əksini tapmır.

I Avropa Oyunları ilə əlaqədar plastik kartlarla ödənişin tətbiqi icbari olacaq. Tədbirə gələn qonaqlara Fransadan xüsusi olaraq gətirilən 300-dən çox avtobus xidmət edəcək.

Əcnəbilərin rahatlığı üçün Nəqliyyatın İntellektual İdarə edilməsi Sistemi avtobuslarda Wi-Fi sistemi tətbiq edəcək. Nazirliyin katibliyinin rəhbərinin sözlərinə görə, qonaqlar gedəndən sonra da sistem işləyə bilər.

Hazırda Bakının əhalisi 2,2 mln nəfərdir. “Nəqliyyat kartı” sistemini “Bank of Azerbaijan” tətbiq edir. Bank 1 mln “MasterCard” plastik kartı sifariş verib. 2014-cü ilin noyabrında nəqliyyat nazirinin müavini Musa Pənahov deyib ki, bu kartlardan metroda da istifadə etmək mümkün olacaq. Bundan başqa, avtobuslarda ödəniş üçün sərnişinlər öz ödəniş kartlarından da istifadə edə biləcək. Bunun üçün hazırlıqlar gedir. 08B