AZAL Pekinə uçuşları dayandırıb

«Azərbaycan Hava Yolları» QSC (AZAL) Bakı-Pekin-Bakı aviareysi ilə uçuşları dayandırıb. 

Şirkətin saytında bildirilir ki (http://www.azal.az/ru/news-view/83), Bakı-Pekin birbaşa reysinin açılması bu günə planlaşdırılıb. 

" Pekinə yeni uçuşlara başlayan bütün aviaşirkətlərin qarşısına qoyulmuş yeni tələblərlə əlaqədar, AZAL-ın Bakı-Pekin-Bakı marşrutu üzrə planlaşdırılan aviareysi müvəqqəti olaraq ləğv olunur: «Məsələnin həlli üçün Çinin müvafiq strukturları ilə son ana qədər danışıqlar aparılıb, lakin çoxsaylı yeni tələblərin həlli üçün zamanın məhdudluğu bu reysin yerinə yetirilməsini mümkünsüz edib», deyə məlumatda qeyd olunur. Bütün müvafiq rəsmiləşdirmələr həll olunduqdan sonra reyslərə başlanacaq və bu barədə AZAL tərəfindən məlumat veriləcək.

«AZAL-ın Bakı-Pekin-Bakı reysinə aviabilet əldə etmiş bütün sərnişinlərinə biletin tam dəyərinin geri qaytarılması imkanı veriləcək və ya Pekinə və geri başqa marşrutlar üzrə aviabilet təqdim olunacaq», - deyə aviaşirkətin məlumatında bildirilir. --17D—