2014 Dekabr 05 (Cümə) 11:42:41
Bu ilin 9 ayında Azərbaycandan 37 min ton aşqarlanmamış alüminium ixrac edilib. Gəncə Alüminium zavodu Det.Al Holding təkcə 3-cü rübdə məhsulu dünya bazarındakından 19% ucuz satıb.
Dövlətstatkomun məlumatına görə, ötən il bu malın hamısı Türkiyəyə tədarük edilib. Aşqarlanmamış alüminium ixracından $55,3 mln gəlir olub. Orta qiymət 1493$/t təşkil edib. Amma London Metal Birjasında (LME) alüminiumun tonu $2114-a çatıb, yanvar-sentyabrda qiymət 1640-1950$/t arasında dəyişib. 3-cü rübdə Azərbaycan alüminiumunun orta ixrac qiyməti $1611-a çatıb.
Dünya bazarında alüminiuma tələbat artır, ona görə qiymət də bahalanır. Noyabrın 12-də alüminiumun sazişlə LME-yə tədarük qiyməti 1 ton üçün $2060 olub.
Ermənistan da ilkin alüminium ixrac edir. 2013-cü ildə bu ökədən xaricə 25486 ton məhsul orta hesabla tonu $2091-a satılıb, halbuki Det.Al alüminiumu $1567,3-a satıb. «Azərbaycan alüminiumu niyə ucuzdur, istehsal rentabellidirmi?» - sualları açıq qalır.
RF-in alüminium tədarükçüsü RUSAL III rübdə alüminiumun tonunu $1987-a satıb. Bu, ötən rübdəkindən 10,5% bahadır, deyə şirkət məlumat verir. RUSAL markalı alüminiumun maya dəyəri 1748 dollar olub.
“Det.Al Aluminium” MMC-də alüminiumun maya dəyərini açıqlamırlar. Gömrük Komitəsinin məlumatına görə, alüminium istehsalı üçün xammal ABŞ (10 min ton), Braziliya (10 min ton), Venesuela (10,5 min ton) və Yamaykadan (12,5 min ton) 1 tonu $412,8-a alınır.
2011-ci ildə Gəncədə gücü 50 min ton olan olan İlkin Alüminium zavodu istismara verilib. 2013-cü ilin mayından alüminium yarımfabrikatları istehsal edən (metal əritmə və prokatı zavodu, təzyiq altında emal və rəngləmə zavodu) zavodlar istismara verilib. Həmin ildə Det.Al Elektroliz zavodunun ikinci mərhələni istismara verməyi və gücünü 100 min tona çatdırmağı planlaşdırırdı.
Bu il Det.Al Elektroliz zavodunun gücünü 200 000 tona çatdırmaq, gücü 125.000 ton olan Anod zavodu tikməyi planlaşdırır.
Det.Al Holding şirkətinin harda təsis edildiyi, sahibinin kim olduğu bilinmir. 08B
İqtisadiyyat
-
Rəqəmsal İnkişaf və Kommunikasiya Texnologiyaları Agentliyi (RİKT) internet provayderləri (İSP) və telekommunikasiya operatorları ilə görüş keçirərək, ölkədə internet sürətinin düzgün ölçülməsi və Azərbaycanın beynəlxalq genişzolaqlı internet reytinqlərində mövqeyinin yaxşılaşdırılması məsələlərini müzakirə edib.
-
Bolqarıstan Azərbaycanı enerji sektorunda əsas strateji tərəfdaşı hesab edir. Ölkə qaz tədarükünün şaxələndirilməsində və regional enerji təhlükəsizliyinin gücləndirilməsində mühüm rol oynayır, Bolqarıstanın yeni təyin olunmuş energetika naziri Jeço Stankov Azərbaycanın nümayəndə heyəti ilə görüşdə bildirib.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Crescent Petroleum şirkətinin baş direktoru Macid Cəfər ilə enerji sektorunda əməkdaşlıq perspektivlərini müzakirə etmək üçün görüş keçirib. Görüş hər iki şirkət arasında əlaqələrin möhkəmləndirilməsi istiqamətində mühüm addım olub və tərəflər öz fəaliyyətləri barədə fikir mübadiləsi apararaq qarşılıqlı maraq doğuran imkanları qiymətləndiriblər.
-
Azərbaycan Dövlət Neft Şirkətinin (SOCAR) prezidenti Rövşən Nəcəf 6 fevralda Sloveniyanın enerji şirkəti Petrol dd-nin İdarə Heyətinin sədri Sašo Berger və Geoplin doo-nun baş direktoru Simon Urbanc ilə görüşüb. Görüşdə Azərbaycan və Sloveniya arasında təbii qaz sektorunda əməkdaşlığın genişlənməsi vurğulanıb.
Rəy yaz