Azərbaycan aviatorlarının yeni rekordu

Azərbaycan mülki aviasiyası tarixi rekorda imza ataraq  20 beynəlxalq və yerli istiqamətdə 1 mln 665,2 min sərnişin daşıyıb.

Dövlətstatkoma görə, bu ilin 11 ayında sərnişin daşınması ötən ilin eyni dövrü ilə müqayisədə 7,4% artıb. Sərnişin daşınmasının 99,6%-i  “Azərbaycan Hava Yolları”nın payına düşür. Digər daşıyıcı olan «Silk Way Business Aviation» kommersiya uçuşları həyata keçirir.

2013-cü ilə Azərbaycan rezidentlərinin hava gəmiləri ilə 1 664 min nəfər daşınıb. Bu, əvvəlki ildəkindən 4% çoxdur. Yerli şirkətlərin xidmətindən istifadə 2003-cü ildəkindən (867 min) iki dəfə çoxdur. Bu, müntəzəm reyslərin coğrafiyasının genişlənməsi və donanmanın yenilənməsi ilə bağlıdır.

Azərbaycan aviaşirkətləri maliyyə hesabatını ictimaiyyətə açıqlamır, ona görə məsələn, “Azərbaycan Hava Yolları”nın təsərrüfat fəaliyyətinin səmərəliliyini müəyyən etmək olmur. Bu şirkətin kənar auditor cəlb edib-etmədiyi də bilinmir. Hərçənd Maliyyə Nazirliyinin bu günlərdə açıqladığı «Büdcə xərcləri və maliyyə hesabatlılığının qiymətlərnidirlməsi haqqında (2008-2014-cü illər)» hesabata əsasən, hökumətə hesabat verməli olan bütün dövlət müəssisələri (“AZAL” da onların sırasındadır) illik və rüblük hesabat verməlidir.

DSK-ya görə, 2013-cü ildə yerli aviaşirkətlərin sərnişin daşınmasından gəlirləri 262,4 mln manat olub (+16,3%). Bu məqsədlə 297,6 mln manat xərclənib. Bu isə ötən ilkindən 14,5% çoxdur. Ehtimal ki, ziyanın bir hissəsi AZAL-ın investisiya fəaliyyətinin nəticəsidir. 08B