2012-ci ilin I yarısında Cənubu Qafqaz boru kəməri ilə (SCP) xarici bazarlara 2,2 mlrd m3 qaz çatdırılıb. Bu, 2011-ci ilin eyni dövründəkindən 200 mln m3 azdır. Bu barədə Dövlətstatkom məlumat verir.
Yanvarda 434,7 mln m3, fevralda 427,9 mln m3, martda 437,4 mln m3, apreldə 300 mln m3, mayda 200 mln m3 və iyunda 400 mln m3 qaz nəql olunub.
2011-ci ildə SCP ilə 4,5 mlrd m3 qaz ixrac edilib. Bu, 2010-cu ildəkindən 400 mln m3 azdır. Göründüyü kimi, Azərbaycan qazının xaricə satışı azalır, bu isə Türkiyənin alış həcmini azaltması ilə bağlıdır. Azərbaycandan qaz Türkiyənin iqtisadi cəhətdən inkişaf etməmiş regionuna (şərq) nəql edilir. Türkiyəyə bu qazı özünün qərb rayonlarına aparmaq sərfəli deyil, oraya iki mənbədən (Bolqarıstandan və Qara dənizin dibi ilə) Rusiya qazı daxil olur.
* SCP kəməri ilə (2006-cı ilin sonunda istismara verilib) “Şahdəniz”dən çıxarılan qaz Gürcüstana, Türkiyəyə və nasos stansiyalarının ehtiyacı üçün BTC Co. (Bakı-Tbilisi-Ceyhan kəməri ilə neft nəqlinə məsuldur) şirkətinə verilir. –12D—
İqtisadiyyat
-
Azərbaycan Prezidenti İlham Əliyev 1 yanvar 2025-ci ildən etibarən əmək pensiyalarının indeksləşdirilməsi ilə pensiyaçıların sosial müdafiəsinin gücləndirilməsi məqsədilə sərəncam imzalayıb.
-
İtaliya hökuməti, bir sıra strateji aktivlərin satışı üzrə beynəlxalq tenderdə müraciətlərin qəbulunu 14 fevral tarixinə qədər uzatdığını açıqlayaraq, Azərbaycanın namizədinin hələ də favoritlər arasında olduğunu təsdiqləyib.
-
İqtisadi Araşdırmalar Mərkəzinin İdarə Heyətinin sədri Qalib Toğrulun araşdırması, Azərbaycan rayonları Ağdam, Füzuli və Xocavənddə bərpa layihələri ilə bağlı büdcə xərclərinə diqqət yetirir. Araşdırmada Ermənistan işğalından azad edilmiş ərazilərdə həyata keçirilən dövlət sifarişli tikinti və infrastruktur layihələri araşdırılıb.
-
Azərbaycanın iqtisadiyyat naziri Mikayıl Cabbarov fevralın 4-də Beynəlxalq Valyuta Fondunun (BVF) Azərbaycandakı missiyasının rəhbəri Anna Bordo başda olmaqla BVF nümayəndə heyəti ilə görüş keçirib. Görüşdə iqtisadi əməkdaşlıq, maliyyə sektorundakı çətinliklər və struktur islahatları müzakirə edilib, nazirlik bildirib.
Rəy yaz