Azərbaycan Rusiyaya bostan bitkiləri və meyvə təkrar ixracında kömək edə bilər

Turan agentliyinin analizi göstərir ki, avqustda ərzağın 12,5%, bostan bitkilərinin 20% artımı mövsümi xarakter daşımır.

Bazarın ötən illərin eyni dövrləri ilə müqayisəsi göstərir ki, cüzi yayınma ilə qiymtlər sabitdir. Adətən, mövsümi məhsulun qiyməti sentyabrda, qalxır – təxminən 20%.

Qərbin Rusiyaya sanksiyalarının təsiri, Moskvanın Avropadan bir sıra malları almaqdan imtinasının Azərbaycanda kənd təsərrüfatı mallarının artımına təsiri barədə deyilənlər özünü doğrultmur.

Azərbaycan tərəfi yerli sahibkarların Rusiyaya pomidor, xiyar və digər məhsulların ixracı üçün açılan “pəncərədən” istifadə etdiyini gizlətmir.  

Azərbaycan Rusiyaya təkcə sanksiyalar dövründə deyil, uzunmüddətli əsasda məhsul tədarükünü artırmağa hazırdır, deyə Azərbaycanın Rusiyadakı səfiri Polad Bülbüloğlu bildirib. Bundan əlavə, səfir RF tərəfindən uzunmüddətli təminatda israrlıdır, çünki bu layihə Rusiyada logistika mərkəzlərinin tikintisini və məhsulun nəqli, saxlanması və satışı sisteminin yaradılmasını tələb edir.

Rusiya İctimai Palatasının beynəlxalq komissiyasının sədri Sergey Markov Azərbaycandan sitrus meyvələrinin ixracının iki dəfə artacağını gözləyir. Ancaq Azərbaycanın Rusiya istehlakçılarına özünün kənd təsərrüfatı məhsulları ilə ciddi dəstək verəcəyi az inandırıcıdır, çünki bostan bitkiləri və meyvələrin çoxu mövsümü xaralter daşıyır və bir sıra məhdul nomenklaturasının istehsal müddəti başa çatıb.

2013-cü ildə ÜDM-də kənd təsərrüfatının payı 5,3% olub. Bu ilin 8 ayında aqrar istehsalı 3,7%, bitkiçilik məhsulları 9,2% azalıb. Ötən il Azərbaycan Rusiyaya $242,17 min sitrus, $390,81 min tərəvəz, $2620,45 min alma, armud, heyva, $472,53 min pomidor ixrac edib. Bu, Rusiya bazarı üçün cüzi göstəricidir.

Azərbaycan bostan bitkiləri, sitrus idxalından çox asılıdır. Bu mallar əsasən İran və Türkiyədən gətirilir. Rusiyadakı Azərbaycanın kənd təsərrüfatı məhsulları idxalı üzrə ixtisaslaşan Rusiya camiəsi vəziyyətdən istifadə edib İran və Türkiyədən məhsul gətirib güzəştli vergi və rüsumdan istifadə üçün «Made in Azerbaijan» markası ilə təkrar ixrac edir. Bu təcrübədən çay, şəkər və s alıb Rusiyaya ixracında istifadə edilib.

Cənubdakı qonşular da Rusiyaya “pəncərədən” istifadəyə hazırdır. İranın kənd təsərrüfatı naziri Mahmud Xocati Azərbaycana təklif edib ki, kənd təsərrüfatı məhsullarını Rusiyaya ixrac etməkdə vasitəçi olsun. -0—