![Azərbaycan yumurta ixracını 42 dəfə artırıb](https://turan.az/resized/media/2018/main/083100012816-750-500-resize.webp)
Azərbaycan yumurta ixracını 42 dəfə artırıb
Bakı/08/31/18/Turan: Bu ilin birinci yarısında Azərbaycan quşçuluq təsərrüfatlarının istehsal göstəricilərinin azalmasına baxmayaraq, yumurta ixracını 42 dəfə artırıb. Bu barədə Turan-a Dövlətstatkomda məlumat veriblıər.
Altı ay ərzində İran, Əfqanıstan, İraq, Qətər və Gürcüstana 41 milyondan çox yumurta satılıb. İxracatçılar satışdan 2 milyon 332,5 min ABŞ dolları məbləğində gəlir əldə edib. Bu, 2017-ci ilin eyni dövründəki göstəricidən 37 dəfə çoxdur. 2016-cı ilin eyni dövründə Azərbaycan bu quşçuluq məhsullarının ixrac etmirdi. Əksinə, xaricdə (əsasən Türkiyədə) 15,3 milyon yumurta satın alıb, bunun üçün 626,5 min dollar xərclənib.
Toyuq yumurtalarının idxal və ixrac əməliyyatlarında köklü dəyişiklik 2016-cı ilin üçüncü rübündə Nazirlər Kabinetinin qərarı ilə bir sıra məhsullara, o cümlədən əmtəə yumurtanın 1000 ədədinə 100 dollar məbləğində xüsusi idxal rüsumu tətbiq ediləndən sonra başlandı.
Bu ilin I rübündə quşçuluq təsərrüfatları 338,9 milyon yumurta istehsal edib ki, bu da 2017-ci ilin eyni dövründəkindən 11,7% azdır. Bu dövrdə, ev təsərrüfatları nəzərə alınmaqla Azərbaycanda yumurta istehsalı 0,9% artaraq 887,4 milyon ədəd təşkil edib.
Maraqlıdır ki, bu il də Azərbaycan reproduktiv yumurtaların idxalını 26,6 milyondan 12,5 milyona endirib. -08B-
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz