![Azərbaycanda özəlləşdirmənin üçüncü mərhələsi başlayır](https://turan.az/resized/media/2016/main/052300156981-750-500-resize.webp)
Azərbaycanda özəlləşdirmənin üçüncü mərhələsi başlayır
Prezident İlham Əliyev “Dövlət əmlakının özəlləşdirilməsi prosesinin təkmilləşdirilməsi sahəsində əlavə tədbirlər haqqında” fərman imzalayıb. Bu, özəlləşdirmənin üçüncü mərhələsinin başlanması deməkdir.
Nazirlər Kabinetinə tapşırılıb ki, “Dövlət əmlakının özəlləşdirilməsi haqqında” yeni qanun layihəsini (özəlləşdirilən dövlət əmlakının qiymətinin həmin əmlakın bazar dəyəri əsasında formalaşdırılması meyarı nəzərə alınmaqla) iki ay müddətində hazırlayıb Azərbaycan prezidentinə təqdim etsin.
İndiki qanun 2000-ci ilin avqustundan fəaliyyət göstərir.
Həmçinin hökumətə tapşırılıb ki, Əmlak Məsələləri Dövlət Komitəsinin təklifləri əsasında özəlləşdirilməsi nəzərdə tutulan dövlət əmlakının siyahısına dair təkliflərini prezidentə təqdim etsin.
Prezident dövlət əmlakının özəlləşdirilməsinə dair qərarların qəbulu üzrə səlahiyyəti öz üzərinə götürüb. Belə ki, 2016-cı il mayın 20-dən Əmlak Məsələləri Dövlət Komitəsi öz qərarları əsasında dövlət əmlakının özəlləşdirilməsini dayandırıb.
İqtisadçi Qubad İbadoğlu hesab edir ki, hazırkı situasiyada yeni qanun layihəsinin hazırlanmasına ehtiyac yoxdur, mövcud qanun layihəsinin təkmilləşdirmək və modifikasiya etməklə özəlləşdirmənun yeni, 3-cü mərhələsinin hüquqi bazasını formalaşdırma mümkün idi.
“Hazırda özəlləşdirmənin fərdi investisiya müsabiqələri üzrə həyata keçirilməsi yeni mərhələnin aparıcı xəttini təşkil etməlidir. Digər tərəfdən də nəzərə alsaq ki, özəlləşdirilməli müəssisələr əsasən kommunal, rabitə və enerji sektorunun iri müəsssələridir, bu halda da onların özəlləşdirilməyə açıq elan edilməsi prezidentin fərmanları ilə olmalıdır. İstənilən halda Əmlak Məsələləri Dövlət Komitəsinin təklifləri əsasında özəlləşdirilməsi nəzərdə tutulan dövlət əmlakının siyahısı ilə taniş olmaq çox maraqlı olardı. Çünki həm siyahı və həm də özəlləşdirmədə xarici investorların iştirakı şərtləri bu mərhələnin ən cəlbedici məsələləridir”, - ekspert vurğulayıb.
Qeyd edək ki, dövlət əmlakının özəlləşdiilməsi haqda birinci qanun 1995-ci ildə qəbul edilib. Özəlləşdirmə ölkə prezidentinin təsdiq etdiyi dövlət əmlakının özəlləşdirilməsinə dair iki proqram əsasında həyata keçirilib. Həmin vaxtdan 50 minə yaxın kiçik, orta və iri müəssisə özəl əllərə keçib. Qeyri-rəsmi məlumatlara görə, 100-ə yaxən obyektin özəllşdirilməsndə xarici investorlar iştirak ediblər.08D
İqtisadiyyat
-
İqtisadiyyat Nazirliyində yerli istehsalın stimullaşdırılması və ixrac potensialının genişləndirilməsi yollarının araşdırılması məqsədilə iyulun 26-da qeyri-neft sənayesi sahibkarları ilə görüş keçirilib.
-
Azərbaycanın internet provayderləri “Aztelekom” və “Baktelekom” avqustun 15-də qiymət strukturunda böyük dəyişikliklər edəcək. Yeni tariflərə əsasən, minimum internet sürəti 100 Mbit/s-dək artacaq, Mbit/s-nin qiyməti 0,45 AZN-dən 0,25 AZN-ə enəcək. Müvafiq olaraq, ödəniş 100 Mbit/s üçün 25 AZN, 150 Mbit/s üçün 30 AZN, 250 Mbit/s üçün 36 AZN-ə uyğunlaşdırılacaq.
-
Müstəqil ekspertlər Azərbaycanın ticarət dövriyyəsinin və ödəniş profisitinin azalması səbəbindən öz valyutası manatın növbəti devalvasiyası ərəfəsində ola biləcəyini ehtimal edirlər. Gözlənilən iqtisadi düzəlişlər valyuta axınının azalması və neft hasilatının azalması fonunda baş verir.
-
Azərbaycanın Xarici İşlər Naziri Ceyhun Bayramov bu gün Azərbaycan Xarici İşlər Nazirliyində Somalinin Xarici İşlər və Beynəlxalq Əməkdaşlıq Naziri Əhməd Moallim Figi ilə görüşüb. Bu görüş, əvvəlki gün Figi ilə Azərbaycanın İqtisadiyyat Naziri Mikail Cabbarov arasında keçirilmiş müzakirələrdən sonra baş tutub.
Rəy yaz