Azərbaycanın rəqabət qabiliyyəti kəskin pisləşib

Azərbaycan 2011-2012-ci illər üzrə Qlobal  rəqabət qabiliyyəti hesabatına əsasən (Global Competitiveness Index 2012-2013), öz vəziyyətini kəskin pisləşdirərək 144 ölkə arasında 49 balla 70-ci olub. 

Tədqiqatı hazırlayan Ümumdünya İqtisadi Forumu (World Economic Forum) 2009-2010-cu illər üzrə ötən hesabatında ölkəyə 51-ci yeri vermişdi.

Norveç (94,8), İsveçrə (94,1), Kanada (93,1), İsveç (92,9), Finlandiya (92,5), Sinqapur (92,4), Lüksemburq (91,6), Niderland (90,8), Almaniya (89,8), Avstraliya (89,7) ənənəvi liderliyini və siyahıda birinci yerləri qoruyub.

Reytinqdə sonuncu yerləri Zimbabve (142-ci) yer (5,3), Bruney-Darussəlam (0) və Puerto-Riko (0) tutur.

Reytinqlər əldə edilən kütləvi statistik məlumatlara və şirkət rəhbərlərinin sorğularının nəticələrinə, Ümumdünya İqtisadi Forumunun milli tərəfdaşları olan, hesabatda təhlil olunan ölkələrin rəqabət qabiliyyəti və iqtisadi inkişaf məsələləri üzrə ixtisaslaşan aparıcı tədqiqat institutları və şirkətləri ilə birgə apardığı geniş gündəlik tədqiqatlara əsaslanır.

Qlobal  rəqabət qabiliyyəti hesabatında əsas reytinq Ümumdünya İqtisadi Forumu üçün professor Sala-i-Martinin hazırladığı və ilk dəfə 2004-cü ildə təqdim edilən qlobal rəqabət qabiliyyəti indeksidir (Global Competitiveness Index, GCI). GCI-yə rəqabət qabiliyyətinin 12 tərkib hissəsi daxildir və müxtəlif inkişaf mərhələsində olan dünya ölkələrinin “rəqabət qabiliyyəti landşaftı”nı təcəssüm etdirir.

Azərbaycan ən pis göstəriciləri bu sahələrdə göstərib:

Korrupsiya ................................................. ........................ 23,4

Maliyyəyə çıxış ............................................... 14,2 ............

İnfrastrukturla pis təminat .................................... 10,0

Vergi dərəcəsi ................................................ .............................. 9,8

Təhsilli işçi azlığı ........................................ 8,9

Vergi tənzimləməsi ................................................ .................... 8,3

Səmərəsiz dövlət bürokratiyası ..................................... 7,4

Milli işçi qüvvəsinin zəif əmək etikası ...... 6,8

Hökumətyönlü KİV Azərbaycanın bu nəticələrini irəliləyiş adlandırır, amma onun hansı istiqamətdə olduğunu demir.—0—